नागपूर – राज्य विधीमंडळाचे हिवाळी अधिवेशन येत्या ८ डिसेंबरपासून नागपुरात पार पडणार असून, प्रशासनाकडून तयारीला सुरुवात झाली आहे. दरवर्षीप्रमाणे यंदाही उपराजधानीत हे अधिवेशन आयोजित करण्यात येत आहे. राजकीय आणि सामाजिक दृष्टीने महत्त्वपूर्ण ठरणाऱ्या या अधिवेशनाकडे संपूर्ण राज्याचे लक्ष लागले आहे.
या अधिवेशनात राज्य सरकारच्या कामकाजाचा आढावा घेतला जाणार असून, अनेक महत्त्वाचे विधेयके सादर होण्याची शक्यता आहे. शेतकऱ्यांचे प्रश्न, वाढती महागाई, बेरोजगारी, शहरातील नागरी सुविधा, मराठा आरक्षणाचा मुद्दा, OBC आरक्षण, आणि नागपूर महापालिकेतील अनियमितता यावरून विरोधक सरकारला घेरण्याची शक्यता वर्तवली जात आहे.
Gold Rate
22 Oct 2025
विधानसभा आणि विधान परिषदेचे सत्र हे दोन आठवड्यांहून अधिक काळ चालण्याची शक्यता आहे. नागपूर पोलिस, सार्वजनिक बांधकाम विभाग आणि जिल्हा प्रशासन यांच्याकडून अधिवेशनाच्या पार्श्वभूमीवर सुरक्षा व्यवस्था आणि सुविधांची पाहणी सुरू झाली आहे.
या अधिवेशनाच्या निमित्ताने नागपुरात मोठ्या प्रमाणावर राजकीय हालचालींना वेग येणार आहे. सर्व राजकीय पक्षांनी आपल्या रणनीती आखण्यास सुरुवात केली आहे. विशेष म्हणजे, यंदाचे अधिवेशन आगामी लोकसभा निवडणुकांच्या पार्श्वभूमीवर होत असल्याने चर्चेच्या आणि टीकेच्या अनेक फैरी यावेळी पहायला मिळणार आहेत.
