नागपूर : सिव्हिल लाईन्स परिसरातील उच्च न्यायालयाचे न्यायमूर्ती अनिल किलोर यांच्या शासकीय निवासस्थान ‘स्नेह बंगला’ येथे सोमवारी विषारी नाग आढळल्याने एकच खळबळ उडाली. माहिती मिळताच सर्पमित्र शुभम पराळे घटनास्थळी दाखल झाले आणि अथक प्रयत्नांनंतर नागाला सुरक्षितपणे पकडून वन विभागाच्या ताब्यात दिले.
बंगल्याच्या मागील भागात गेल्या तीन दिवसांपासून साप दिसत असल्याने कर्मचारी आणि रहिवाशांमध्ये भीतीचे वातावरण निर्माण झाले होते. सोमवारी कर्मचाऱ्यांनी याबाबत पोलिस नियंत्रण कक्षाला माहिती दिली. त्यानंतर सर्पमित्र शुभम पराळे अवघ्या १० मिनिटांत घटनास्थळी पोहोचले.
Gold Rate
June 22 ,2026 - Time 10.30Hrs
शोधमोहीमेदरम्यान इन्व्हर्टरखाली लपलेल्या विषारी नागाने फणा काढत हल्ला करण्याचा प्रयत्न केला. मात्र, शुभम पराळे यांनी धाडस आणि संयम दाखवत रेस्क्यू मोहीम सुरू ठेवली आणि अखेर नागाला सुरक्षित पकडले.
त्यानंतर नागाला सुरक्षित कंटेनरमध्ये ठेवून वन विभागाच्या सेमिनरी हिल्स येथील टीटीसी ट्रान्झिट सेंटरमध्ये नेण्यात आले. आवश्यक पंचनामा पूर्ण करून नाग वन विभागाच्या अधिकाऱ्यांच्या ताब्यात देण्यात आला.
वेळीच माहिती मिळाल्याने आणि तत्पर कारवाईमुळे कोणतीही जीवितहानी टळली. साप आढळल्यास स्वतः पकडण्याचा प्रयत्न न करता प्रशिक्षित सर्पमित्र किंवा वन विभागाशी संपर्क साधावा, असे आवाहन वन विभागाने नागरिकांना केले आहे.
LIVE | NEWS BULLETIN NAGPUR TODAY
ASTROLOGY/WEEKLY RASHIFAL - Abhishek Soni EPISODE 7
SEHAT KI BAAT - Nagpur Today News
नागपुर में एमडी ड्रग्स के साथ इंजीनियरिंग छात्र गिरफ्तार #nagpurnews #crime #md...
RTMNU की डिग्री पर ही डिग्री का नाम गलत? #nagpurnews #rtmnu #nagpuruniversity...
बुलढाणा में मानसून की दमदार एंट्री.. #maharashtranews #latestnews #barish #mansoon
