नागपूर : शहरातील प्रसिद्ध न्यूरॉन रुग्णालयातील वैद्यकीय अधिकारी डॉ. ईश्वरचंद्र चांदेवार यांचा त्यांच्या केबिनमध्ये संशयास्पद परिस्थितीत मृत्यू झाल्याची घटना समोर आली आहे. या घटनेमुळे वैद्यकीय क्षेत्रात हळहळ व्यक्त होत असून शहरातही मोठी खळबळ उडाली आहे. धंतोली पोलिसांनी आकस्मिक मृत्यूची नोंद करून तपास सुरू केला आहे.

माहितीनुसार, डॉ. चांदेवार हे नियमितप्रमाणे रुग्णालयात दाखल झाले होते. दिवसभराची वैद्यकीय कामे पूर्ण केल्यानंतर ते विश्रांतीसाठी आपल्या केबिनमध्ये गेले. मात्र बराच वेळ उलटल्यानंतरही ते बाहेर न आल्याने सहकाऱ्यांनी त्यांच्याशी संपर्क साधण्याचा प्रयत्न केला. वारंवार दरवाजा ठोठावूनही प्रतिसाद न मिळाल्याने संशय निर्माण झाला.

Gold Rate

Aug 26 ,2026 - Time 10.30Hrs

Gold 24 KT ₹ 1 62,400 /-

Gold 22 KT ₹ 1,50,700 /-

Silver/Kg ₹ 2,45,800/-

Platinum ₹ 88,000/-

Recommended rate for Nagpur sarafa Making charges minimum 13% and above

घटनेची माहिती मिळताच धंतोली पोलिसांनी रुग्णालय गाठले. दरवाजा उघडल्यानंतर डॉ. चांदेवार हे केबिनमध्ये बेशुद्धावस्थेत आढळून आले. तत्काळ तपासणी करण्यात आली असता त्यांचा मृत्यू झाल्याचे स्पष्ट झाले.

दरम्यान, घटनास्थळी काही इंजेक्शन्सही आढळून आल्याची माहिती समोर आली आहे. त्यामुळे मृत्यूमागील नेमके कारण काय, याबाबत विविध शक्यता व्यक्त केल्या जात आहेत. मात्र पोलिसांनी अद्याप कोणत्याही निष्कर्षापर्यंत न पोहोचता सर्व बाबींचा तपास सुरू असल्याचे सांगितले आहे.