नागपूर : राष्ट्रीय स्वयंसेवक संघ (RSS) यांच्या नागपूरातील रेशीमबाग येथील मुख्यालयाला पुन्हा एकदा बॉम्बने उडवण्याची धमकी मिळाल्याने नागपूरसह पुणे आणि मुंबईतील सुरक्षा यंत्रणांमध्ये खळबळ उडाली आहे. पुणे महानगरपालिकेच्या अधिकृत ई-मेलवर आलेल्या धमकीच्या संदेशात नागपूरमधील संघ मुख्यालयासह पुणे आणि मुंबईतील अनेक महत्त्वाच्या ठिकाणांना आयईडी बॉम्बने लक्ष्य करण्याचा इशारा देण्यात आला होता.
मिळालेल्या माहितीनुसार, बुधवारी सकाळी साडेआठच्या सुमारास पुणे महानगरपालिकेला हा धमकीचा ई-मेल प्राप्त झाला. या ई-मेलमध्ये पुणे महापौर कार्यालयात दुपारी १.११ वाजता, तर पुणे विधान भवन आणि नागपूरातील रेशीमबाग येथील RSS मुख्यालयात दुपारी ३.११ वाजता स्फोट घडवून आणण्याची धमकी देण्यात आली होती.
Gold Rate
July 23 ,2026 - Time 10.30Hrs
याशिवाय, १० जून ते ३० सप्टेंबर या कालावधीत नागपूर आणि पुण्यातील संघाच्या विविध शाखांनाही लक्ष्य केले जाईल, असा दावा ई-मेलमध्ये करण्यात आला होता. या धमकीनंतर नागपूर पोलीस, बॉम्ब शोधक व नाशक पथक (BDDS) तसेच सायबर विभाग तात्काळ सतर्क झाला.
पोलीसांनी रेशीमबाग येथील संघ मुख्यालय, हरिहर मंदिर आणि स्मृती भवन परिसरात व्यापक शोधमोहीम राबवली. सुमारे दोन तास चाललेल्या तपासणीदरम्यान कोणतीही संशयास्पद वस्तू आढळून आली नाही. त्यामुळे मोठा अनर्थ टळला असला तरी सुरक्षा व्यवस्थेत मोठी वाढ करण्यात आली आहे.
नागपूर पोलीसांच्या माहितीनुसार, या प्रकरणाचा सखोल तपास सुरू असून धमकीचा ई-मेल पाठवणाऱ्या व्यक्तीचा शोध घेण्यासाठी सायबर पथक कार्यरत आहे. शहरातील संवेदनशील ठिकाणी अतिरिक्त पोलीस बंदोबस्त तैनात करण्यात आला असून सुरक्षा यंत्रणा हाय अलर्टवर ठेवण्यात आली आहे.
धर्मेंद्र प्रधान के इस्तीफे से लड़ाई नहीं रुकेगी #StudentProtest #Congress #Trending #NEETScam...
Instagram पर Part Time Job के नाम पर ₹6.84 लाख की ठगी...
₹150 के लालच में चाकू से हमला! #NagpurCrime #Crime #ERickshaw #PoliceAction #CCTV...
पार्किंग विवाद ने लिया हिंसक रूप! #NagpurNews #Crime #ParkingDispute #VikasThakre #PoliceAction
रॉन्ग साइड से आई मौत! #Accident #HighwayAccident #NagpurNews #MaharashtraNews #TruckAccident #news
RSS मुख्यालय को लेकर X पर भ्रामक पोस्ट करने का आरोप #vidarbhanews...
