नागपूर : शहरातील एमआयडीसी पोलिस ठाण्याच्या हद्दीत 32 वर्षीय युवकाची निर्घृण हत्या झाल्याची धक्कादायक घटना समोर आली आहे. अज्ञात आरोपींनी युवकाच्या डोक्यावर दगडाने वार करून त्याची हत्या केली.
ही घटना इसासनी माधवनगरी येथील दर्ग्याजवळ उघडकीस आली असून परिसरात भीतीचे वातावरण निर्माण झाले आहे.
मृत युवकाची ओळख अंकुश किशोर शेंडे (वय 32, रा. पंचशील नगर, इसासनी) अशी करण्यात आली आहे.
स्थानिकांच्या माहितीनुसार, अंकुशला सायंकाळी 4 ते 5 वाजण्याच्या सुमारास परिसरात फिरताना पाहण्यात आले होते. मात्र रात्री सुमारे 8 वाजता काही नागरिकांना दर्ग्याजवळ रक्ताच्या थारोळ्यात त्याचा मृतदेह आढळून आला. त्यानंतर तात्काळ पोलिसांना माहिती देण्यात आली.
Gold Rate
May 14- 2026 - Time 10.30Hrs
घटनेची माहिती मिळताच एमआयडीसी पोलिस घटनास्थळी दाखल झाले. प्राथमिक तपासात युवकाच्या डोक्यावर दगडाने वार केल्याचे स्पष्ट झाले आहे. पोलिसांनी घटनास्थळाचा पंचनामा करून मृतदेह शवविच्छेदनासाठी पाठवला आहे.
हत्या नेमकी कोणत्या कारणातून करण्यात आली, हे अद्याप स्पष्ट झाले नसून एमआयडीसी पोलिस अज्ञात आरोपींचा शोध घेत आहेत.
