नागपूर – केंद्र सरकारच्या महत्वाकांक्षी ‘प्रधानमंत्री सूर्यघर सौर ऊर्जा योजना’अंतर्गत नागपूर जिल्ह्याने राज्यात आघाडी घेतली आहे. जिल्ह्यात आतापर्यंत 33,641 घरांवर सौर ऊर्जा संच बसविण्यात आले आहेत, जी संख्येने राज्यातील इतर कोणत्याही जिल्ह्यापेक्षा जास्त आहे.

या सौर संचांद्वारे 132.35 मेगावॅट इतकी अपारंपरिक वीज निर्मिती करण्याची क्षमता निर्माण झाली आहे, जी पर्यावरणपूरक आणि खर्चिक दृष्टिकोनातून अत्यंत फायदेशीर ठरत आहे.

Gold Rate

26 June 2025

Gold 24 KT 97,400 /-

Gold 22 KT 90,600 /-

Silver/Kg 1,07,700/-

Platinum 44,000/-

Recommended rate for Nagpur sarafa Making charges minimum 13% and above

राज्यभरातील प्रगती, पण नागपूर आघाडीवर-
राज्यातील महावितरणच्या कार्यक्षेत्रात एकूण 2,12,640 सौर संच बसवले गेले असून त्यामधून एकूण 812.76 मेगावॅट सौर ऊर्जा निर्मिती शक्य आहे. या योजनेच्या माध्यमातून घरोघरी स्वच्छ, स्वस्त आणि टिकाऊ वीज पोहोचवण्याचा प्रयत्न सरकार करत आहे, आणि यामध्ये नागपूर जिल्हा एक आदर्श ठरत आहे.

एकाच दिवशी उभारले 124 नवीन संच-
विशेष म्हणजे, १५ जून २०२५ रोजी नागपूरमध्ये एका दिवसातच १२४ नवीन सौर ऊर्जा संच उभारण्यात आले. यांची एकत्रित वीज निर्मिती क्षमता ४५२.४४ किलोवॅट इतकी आहे. हा आकडा योजनेच्या अंमलबजावणीत नागपूरच्या गतीशीलतेचे स्पष्ट दर्शन घडवतो.

‘सूर्यघर’ योजनेत सहभागी होण्याचे आवाहन-
सौरऊर्जा केवळ खर्चिक बचत नाही, तर पर्यावरण संवर्धनासाठी एक प्रभावी पाऊल आहे. आपणही या योजनेचा भाग बनून आपल्या घराच्या छतावर सौर पॅनल बसवू शकता. अधिक माहितीसाठी खालील संकेतस्थळांना भेट द्या:

महावितरण: https://www.mahadiscom.in/ismart/index.php

केंद्र सरकारची अधिकृत वेबसाईट: https://pmsuryaghar.gov.in/#/