नागपूर : वाडी परिसरात पोलिस आणि कृषी विभागाने संयुक्त कारवाई करत प्रतिबंधित एचटीबीटी कापूस बियाण्यांच्या तस्करीचा पर्दाफाश केला. सरकारी अनुदानित खताच्या पोत्यांमध्ये लपवून नेण्यात येणाऱ्या 798 बियाण्यांच्या पाकिटांसह सुमारे 8 लाख 70 हजार रुपयांचा मुद्देमाल जप्त करण्यात आला. या प्रकरणी दोन आरोपींना ताब्यात घेण्यात आले आहे.
गुप्त माहितीच्या आधारे पोलिसांनी कृषी विभागाच्या अधिकाऱ्यांसह एका संशयित तीनचाकी वाहनाची तपासणी केली. वाहनातील 13 प्लास्टिकच्या पोत्यांमध्ये एनपीके खत भरलेले असल्याचे दिसत होते. मात्र, सखोल तपासणीदरम्यान त्या पोत्यांमध्ये लपवून ठेवलेली प्रतिबंधित एचटीबीटी कापूस बियाण्यांची 798 पाकिटे आढळून आली.
Gold Rate
June 152026 - Time 10.30Hrs
या कारवाईत नागपूर येथील योगेश भीमराव डबारसे आणि समीर सुरेश काकडे यांना ताब्यात घेण्यात आले. जप्त मुद्देमालामध्ये प्रतिबंधित बियाण्यांसह वाहतुकीसाठी वापरण्यात आलेल्या वाहनाचाही समावेश आहे.
प्राथमिक चौकशीत आरोपींनी माल एका ठिकाणाहून उचलण्याचे काम दिल्याचे सांगितले. मात्र, मालाचा मूळ पुरवठादार आणि तो कुठे पोहोचवायचा होता याबाबत ते समाधानकारक माहिती देऊ शकले नाहीत.
दरम्यान, पोलिस आणि कृषी विभागाने या प्रकरणाचा सखोल तपास सुरू केला असून तस्करीमागील मोठे जाळे उघड होण्याची शक्यता व्यक्त केली जात आहे.
धर्मांतरण के दबाव और शोषण का आरोप, सोनेगांव थाने में केस दर्ज.....
स्मार्ट मीटर पर शिवसेना-मनसे आमने-सामने.. #maharashtranews #smartmeter #latestnews
आशा वर्कर्स के सामूहिक इस्तीफे से संकट.. #maharashtranews #ashaworkers #latestnews
गोंदिया में 123 इमारतें बनीं खतरा.. #maharashtranews #gondiya #newsupdate
सपकाळ का भाजपा और केंद्र पर हमला.. #maharashtranews #congressvsbjp #politicsnews #latestnews
श्रीनगर में तिरंगा न होने पर नेहरु जिम्मेदार बोंडे.. #maharashtranews #anilbonde #amravati
