Published On : Wed, May 30th, 2018

भंडारा-गोंदिया लोकसभा पोटनिवडणूकीसाठी फेरमतदान, ४५.८६ टक्के मतदान


भंडारा: भंडारा-गोेंदिया लोकसभा पोटनिवडणूकीसाठी काल २९ मे रोजी घेण्यात आलेल्या मतदान प्रक्रियेदरम्यान इव्हीएम यंत्रांमध्ये बिघाड आला होता. यामुळे अनेक मतदार मतदानापासून वंचित राहिले. यामुळे फेरमतदान घेण्याची मागणी करण्यात आली होती. आज ३० मे रोजी ४९  मतदान केंद्रांवर घेण्यात आलेल्या फेरमतदान प्रक्रियेत ४५.८६ टक्के मतदान झाले आहे.

पुरूष मतदारांच्या मतदानाची टक्केवारी ४६.०६  असून महिला मतदारांच्या मतदानाची टक्केवारी ४५.६६ टक्के आहे. भंडारा विधानसभा क्षेत्रात ५३.०५, साकोली विधानसभा क्षेत्रात ५६.९७ टक्के, अर्जुनी मोरगाव विधानसभा क्षेत्रात ६३.०३ टक्के, तिरोडा विधानसभा क्षेत्रात ५२.०४ टक्के व गोंदिया विधानसभा क्षेत्रात ३७.३५ टक्के मतदान झाले आहे.