नवी दिल्ली : पाकिस्तानव्याप्त काश्मीरमधून (POK) एक मोठी बातमी समोर आली आहे. पुलवामा दहशतवादी हल्ल्याचा कथित मास्टरमाइंड आणि ‘अल बदर’ या दहशतवादी संघटनेचा प्रमुख हमजा बुरहान याची मुजफ्फराबादमध्ये अज्ञात हल्लेखोरांनी गोळ्या झाडून हत्या केली. या हल्ल्यात तो जागीच ठार झाल्याची माहिती समोर आली आहे.
हमजा बुरहान हा पाकिस्तानमध्ये बसून भारताविरोधात दहशतवादी कारवायांचे नियोजन करत असल्याचा आरोप होता. २०१९ मध्ये जम्मू-काश्मीरमधील पुलवामा येथे CRPF जवानांच्या ताफ्यावर झालेल्या भीषण आत्मघाती हल्ल्यामागे त्याचा मोठा सहभाग असल्याचे सांगितले जात होते. या हल्ल्यात ४० जवान शहीद झाले होते आणि संपूर्ण देशभरात संतापाची लाट उसळली होती.
Gold Rate
May 22- 2026 - Time 10.30Hrs
पुलवामा हल्ल्यानंतर भारताने मोठी लष्करी कारवाई करत बालाकोट एअर स्ट्राईक केली होती. भारतीय वायुदलाने पाकिस्तानातील दहशतवादी तळांवर हल्ले चढवत अनेक तळ उद्ध्वस्त केल्याचा दावा केला होता.
दरम्यान, हमजा बुरहानच्या हत्येनंतर POK मध्ये मोठी खळबळ उडाली आहे. सुरक्षा यंत्रणा सतर्क झाल्या असून मुजफ्फराबाद परिसरात कडेकोट बंदोबस्त ठेवण्यात आल्याची माहिती आहे. हल्लेखोर कोण होते आणि या हत्येमागील नेमके कारण काय, याबाबत अद्याप कोणतीही अधिकृत माहिती समोर आलेली नाही.
सूत्रांच्या माहितीनुसार, हमजा बुरहान हा भारतातील अनेक दहशतवादी कटांमध्ये सक्रिय होता. त्याच्या मृत्यूनंतर दहशतवादी संघटनांना मोठा धक्का मानला जात आहे.
