नागपूर : शहरातील घरफोड्या आणि अमली पदार्थांच्या अवैध व्यवहारांवर कारवाई करण्यासाठी सुरू असलेल्या ‘ऑपरेशन थंडर’ अंतर्गत नागपूर पोलिसांच्या गुन्हे शाखेला मोठे यश मिळाले आहे. एका सराईत गुन्हेगाराला अटक करत पोलिसांनी त्याच्याकडून गांजा, धारदार शस्त्रे आणि चोरीतील मौल्यवान ऐवज जप्त केला आहे. या अटकेमुळे शहरातील चार घरफोडीच्या गुन्ह्यांची उकल झाली आहे.
गुन्हे शाखेच्या युनिट-५ चे पथक भांडेवाडी परिसरात गस्त घालत असताना त्यांना एका संशयित व्यक्तीबाबत माहिती मिळाली. नागेश्वर नगर मैदानाजवळ दुचाकीवर थांबलेल्या युवकाची चौकशी करण्यात आली असता त्याच्याकडे बेकायदेशीर वस्तू आढळून आल्या. त्यानंतर पोलिसांनी त्याला ताब्यात घेत सखोल तपास सुरू केला.
Gold Rate
Aug 27 ,2026 - Time 10.30Hrs
तपासादरम्यान आरोपीकडून जवळपास एक किलो गांजा, धारदार कोयता, चोरीतील सोन्या-चांदीचे दागिने आणि मोबाईल फोन जप्त करण्यात आला. अटक करण्यात आलेल्या आरोपीचे नाव मोहम्मद फैयाज इजाज अन्सारी (वय २४) असून तो भांडेवाडी परिसरातील रहिवासी आहे.
पोलिसांच्या चौकशीत आरोपीने आपल्या साथीदारांसह शहरातील विविध भागांमध्ये घरफोड्या केल्याची कबुली दिली. वाठोडा, पारडी आणि भांडेवाडी पोलीस ठाण्यांच्या हद्दीतील चार गुन्ह्यांमध्ये त्याचा सहभाग असल्याचे निष्पन्न झाले. या कारवाईत पोलिसांनी एकूण सुमारे ४.४८ लाख रुपयांचा मुद्देमाल हस्तगत केला आहे. यात सोन्या-चांदीचे दागिने, ॲपल कंपनीचा मोबाईल, मोपेड, अमली पदार्थ आणि शस्त्रांचा समावेश आहे.
या प्रकरणातील काही साथीदार अद्याप फरार असून त्यांचा शोध सुरू आहे. अमली पदार्थ प्रकरणात दोन आरोपींचा, तर घरफोडी प्रकरणात आणखी दोघांचा सहभाग समोर आला आहे. त्यांना अटक करण्यासाठी पोलिसांची पथके विविध ठिकाणी छापेमारी करत आहेत.
‘ऑपरेशन थंडर’ अंतर्गत करण्यात आलेल्या या कारवाईमुळे केवळ अमली पदार्थांचा साठाच जप्त झाला नाही, तर अनेक दिवसांपासून प्रलंबित असलेल्या घरफोडीच्या गुन्ह्यांचाही पर्दाफाश झाला आहे. त्यामुळे शहरातील गुन्हेगारीविरोधातील मोहिमेला मोठे यश मिळाल्याचे मानले जात आहे.
FDA पर ज्वाला धोटे का बड़ा आरोप! “होटल वालों से होती है...
नागपुर में NCP का तिरंगा मोर्चा! #NagpurNews #NCP#TirangaMorcha #maharashtranews
मुंबई में किसान आंदोलन! ‘वर्षा’ की नीलामी की मांग #Mumbai #Protest #MaharashtraNews...
12 करोड़ का फायर सिस्टम फिर भी बंद! #WardhaNews #WardhaHospital #FireSafety #MaharashtraNews
अमित ठाकरे बोले- सेल्फी नहीं, अपनी समस्या बताओ! #NagpurNews #MNS #StudentIssues #MaharashtraNews
LIVE | NEWS BULLETIN NAGPUR TODAY
