नागपूर: नागपूर शहर पोलिसांनी एम.डी. ड्रग्जचा रॅकेट उखडून टाकत ‘ऑपरेशन थंडर’ अंतर्गत जोरदार कारवाई केली आहे. पोलिस आयुक्त डॉ. रवींद्र कुमार सिंगल यांच्या नेतृत्वाखाली ही मोहीम यशस्वी ठरली असून, तीन आरोपींना ताब्यात घेतले गेले आहेत.
कपिलनगर परिसरातील कामगार नगर हे क्षेत्र संशयित ठरवून NDPS पथक आणि स्थानिक पोलिसांच्या संयुक्त पथकाने गुप्त पाळत ठेवून छापा टाकला. यामध्ये मुख्य आरोपी हा भादवी ३०२ (खून), दरोडा, आर्म्स अॅक्टसह अनेक गंभीर गुन्ह्यांमध्ये नामांकित असून, तो ड्रग्ज विक्रीच्या गुन्ह्यात देखील सामील होता.
Gold Rate
Aug 27 ,2026 - Time 10.30Hrs
या कारवाईत पोलिसांनी ८५.०३० ग्रॅम एम.डी. ड्रग्ज, ₹२,५५,०००/- रोख रक्कम, मोबाईल फोन आणि होंडा चारचाकी वाहन असा तब्बल ₹१२,७१,७५०/- किमतीचा मुद्देमाल जप्त केला आहे. जप्त माल आणि आरोपींच्या मागे असलेल्या ड्रग नेटवर्कमुळे हा रॅकेट अत्यंत संघटित आणि आर्थिकदृष्ट्या बळकट असल्याचे स्पष्ट झाले.
डॉ. रवींद्र सिंगल यांनी युवकांचे भविष्य सुरक्षित ठेवण्याला सर्वोच्च प्राधान्य देत ‘ऑपरेशन थंडर’ हे फक्त कायद्याची अंमलबजावणी करणारे अभियान नसून सामाजिक उपक्रम असल्याचे सांगितले. शहरातील शाळा, महाविद्यालये, झोपडपट्ट्या आणि नागरी वस्त्यांमध्ये जनजागृती करून युवकांमध्ये सशक्त भान निर्माण करण्यावरही पोलिस लक्ष केंद्रित करत आहेत.
ही कारवाई केवळ आरोपींच्या अटकेपुरती मर्यादित न राहता, संपूर्ण ड्रग नेटवर्कची मुळे उखडून टाकण्याच्या धोरणाचा भाग असल्याचे पोलिसांनी स्पष्ट केले आहे. नागपूर शहरात ड्रग्जसाठी कुठलाही थारा नसेल याचा संदेश या कारवाईतून देण्यात आला आहे.
नागपूर पोलिसांचे ध्येय ‘ड्रगमुक्त नागपूर’ घडवणे असून, डॉ. रवींद्र सिंगल यांच्या मार्गदर्शनाखाली ‘ऑपरेशन थंडर’ पुढील काळातही दृढनिश्चयीपणे चालू राहणार आहे. नागपूरच्या युवकांचे उज्वल आणि सुरक्षित भविष्य सुनिश्चित करण्यासाठी ही मोहीम एक महत्त्वपूर्ण पाऊल आहे.
स्थानिक पोलिसांनी गुप्त पाळत ठेवून केली कारवाई
मुख्य आरोपींचा गुन्हेगारी इतिहास गंभीर
मोठ्या प्रमाणात एम.डी. ड्रग्ज व रोख रक्कम जप्त
सामाजिक जागृती व सुरक्षा उपाय यांसह व्यापक मोहीम
‘ड्रगमुक्त नागपूर’साठी ठोस धोरण
दरम्यान नागपूर पोलिसांची ही कारवाई नागरिकांमध्ये विश्वास निर्माण करणारी असून, शहरातील गुन्हेगारांमध्ये भीती निर्माण झाली आहे.
FDA पर ज्वाला धोटे का बड़ा आरोप! “होटल वालों से होती है...
नागपुर में NCP का तिरंगा मोर्चा! #NagpurNews #NCP#TirangaMorcha #maharashtranews
मुंबई में किसान आंदोलन! ‘वर्षा’ की नीलामी की मांग #Mumbai #Protest #MaharashtraNews...
12 करोड़ का फायर सिस्टम फिर भी बंद! #WardhaNews #WardhaHospital #FireSafety #MaharashtraNews
अमित ठाकरे बोले- सेल्फी नहीं, अपनी समस्या बताओ! #NagpurNews #MNS #StudentIssues #MaharashtraNews
LIVE | NEWS BULLETIN NAGPUR TODAY
