Advertisement
नागपूर : जिल्ह्यातील साकोली तालुक्यातील सांगडीजवळील सिरेगाव टोला येथे मोटारसायकलवरून जात असताना खिशात ठेवलेला मोबाईलचा स्फोट झाल्याची धक्कादायक घटना समोर आली आहे. या घटनेत एकाचा मृत्यू झाला तर दुसरा गंभीर जखमी झाला आहे.
शुक्रवारी सुरेश संग्रामे हे साकोलीच्या सिरेगाव टोला येथून मित्र नथू गायकवाड याच्यासोबत दुचाकीने जात होते. त्यानंतर खिशात ठेवलेला मोबाईल स्फोट झाला. स्फोटामुळे त्यांच्या कपड्यांना आग लागली. आगीत त्याचा मृतदेह जळून खाक झाला. उपचारासाठी नेत असताना त्यांचा मृत्यू झाला.
दरम्यान, पाठीमागे बसलेला नथू गायकवाड हा दुचाकीवरून पडून गंभीर जखमी झाला. त्यांना उपचारासाठी भंडारा येथील लक्ष्य रुग्णालयात दाखल करण्यात आले आहे. मृत सुरेश संग्रामे हे जिल्हा परिषद शाळेत मुख्याध्यापक म्हणून कार्यरत होते.
Advertisement
Advertisement
