नागपूर : नागपूर शहरातील ऐतिहासिक स्थळे, सांस्कृतिक वारसा, प्राचीन मंदिरे यांची माहिती नागपुरात मोठ्या प्रमाणात येणाऱ्या पर्यटकांना पुस्तिकेच्या स्वरुपात उपलब्ध करून देण्यासाठी आणि नागपूरला महत्वाचे पर्यटन हब तयार करण्यासाठी एक बैठक नागपूर महानगरपालिका येथे पार पडली. या बैठकीत स्थायी समिती सभापती श्रीमती शिवानी दाणी वखरे अध्यक्षस्थानी होत्या तसेच मनपा आयुक्त डॉ विपीन प्रामुख्याने उपस्थित होते.
स्थायी समिती सभापती श्रीमती शिवानी दाणी वखरे यांनी आपल्या अर्थसंकल्पात नागपूर पर्यटन विकास योजनाचे प्रस्ताव मांडले होते. या प्रस्तावावर चर्चा करतांना शिवानी दाणी वखरे यांनी बैठकीत सांगितले की, पंच परिवर्तन मधील स्व परिवर्तनाच्या दृष्टीने पर्यटन एक प्रभावी माध्यम आहे. आपले शहर आपली ओळख या भावनेतून जर आपण आपल्या शहराचा विकास करू तर स्थानिक पर्यटनला सुद्धा चालना मिळेल आणि शहराचा सुद्धा विकास अधोरेखित होईल. त्यांनी सांगितले की स्वतः पासून सुरू होणारे छोटे परिवर्तन पुढे जाऊन मोठ्या सामाजिक बदलाचे रूप धारण करू शकतात. तसेच त्यांनी १०० चौकात क्यू आर कोडच्या माध्यमातून नागपूर शहरातील ऑडीओ विड्युअल फिल्मच्या माध्यमातून त्या चौकातील माहिती पर्यटकांना मिळेल, माहिती पुस्तिका राज्यातील सर्व महत्वाच्या ठिकाणी सुद्धा उपलब्ध करून दिली जाईल तसेच विमानतळावर सुद्धा प्रवास्यांसाठी माहिती पुस्तिका उपलब्ध राहील. समिती सभापती यांनी नागपूर शहराचे आगळे वेगळे वैशिष्टे असलेली मारबत महोत्सवाची माहिती सुद्धा जगभरातील पर्यटकांना देण्यासाठी आणि त्यांना नागपुरात येण्यासाठी प्रयत्न करण्याचे बैठकीत सांगितले.पर्यटन वाढविण्याचे दृष्टीने एक अभिनव आयोजन केले जाईल. तसेच नागपुरात सावजी उत्सव, बुनकर उत्सव मोठ्या उत्साहाने आयोजित करण्यासाठी प्रशासनाने योजना आखावी, असेही त्यांनी सांगितले.
Gold Rate
July 15 ,2026 - Time 10.30Hrs
या व्यतिरिक्त शताब्दी संग्राहलय तयार करण्यात येईल. या संग्रहालयात १०० वर्ष पेक्षा जुनी संस्था बद्दल माहिती प्रदर्शित करण्यात येईल. तसेच अत्रे ले-आऊट मध्ये डॉ हेडगेवार ई वाचनालय मध्ये वैद्यकीय क्षेत्रात अभ्यास करणारे विद्यार्थ्यांसाठी सर्व प्रकारचे साहित्य उपलब्ध करून देण्यासाठी नियोजन करण्याचे त्यांनी सांगितले. मनपा आयुक्त डॉ विपीन यांनी महाराष्ट्र पर्यटन महामंडळ सह अन्य संस्थेकडून मदत घेऊन नागपूर शहराला पर्यटन हब म्हणून विकसित करण्याचे नियोजन करण्यात येईल असे सांगितले.
याप्रसंगी अतिरिक्त आयुक्त श्री अंकित, श्री मिलिंद मेश्राम, अधीक्षक अभियंता श्री मनोज तालेवार, मुख्य वित्त अधिकारी श्री सदाशिव शेळके, उपायुक्त श्री निर्भय जैन, श्री मंगेश खवले, श्री गणेश राठोड, श्री. राजेश भगत, डॉ मेघना वासनकर, कार्यकारी अभियंता श्रीमती अल्पना पाटणे, अश्विनी येलचटवार, श्री मनोज सिंह, सुनील गजभिये, मुख्य स्वच्छता अधिकारी डॉ गजेंद्र महल्ले, वृक्ष संवर्धक श्री अमोल चोरपगार आणि इतर उपस्थित होते. बैठकीत महापौर परिषद, स्थायी समिती सभापती परिषद, आंतरराष्ट्रीय भाषा शिकवणी केंद्र, सुषमा स्वराज स्पर्धात्मक परीक्षा प्रोत्साहन योजना, गणिती बगीचे निर्माण, दहन घाट, प्राथमिक शाळा निर्माण, दवाखाना निर्माण, आणि इतर महत्वाच्या विषयावर चर्चा झाली.
शराब पार्टी के बाद 6.60 लाख पर हाथ साफ! #NagpurNews #Crime #Fraud...
फर्जी पेमेंट स्क्रीनशॉट से सायाजी होटल में ठगी... #NagpurNews #FakePayment #HotelFraud #crimenews
नागपुर के कलमना और नंदनवन इलाके में दुष्कर्म की घटनाएं #NagpurNews #CrimeNews...
उर्स की भीड़ में कार पर वार! #NagpurNews #CrimeNews #Theft #CarTheft #BagLifting...
व्हाट्सऐप पर मुनाफे का झांसा... #NagpurNews #CyberFraud #WhatsAppScam #CyberCrime #InvestmentScam
ताजबाग उर्स में युवक पर पत्थरों से जानलेवा हमला #vidharbnews #nagpur #newsupdate...
