नागपूर : ईद-उल-मिलादच्या पार्श्वभूमीवर नागपूर शहर पोलिसांनी सुरक्षेची व्यापक तयारी केली आहे. कायदा व सुव्यवस्था कायम ठेवण्यासाठी शहरातील विविध भागांत सुमारे ३५०० पोलीस अधिकारी आणि कर्मचारी तैनात करण्यात येणार आहेत.

याबाबत नागपूर शहराचे पोलीस आयुक्त विश्वास नांगरे पाटील यांनी सांगितले की, ईद-उल-मिलादनिमित्त निघणाऱ्या मिरवणुका, धार्मिक कार्यक्रम तसेच गर्दीच्या ठिकाणी पोलिसांचा कडेकोट बंदोबस्त ठेवण्यात आला आहे. संवेदनशील भागांमध्ये विशेष लक्ष केंद्रित करण्यात आले असून, प्रमुख चौक आणि महत्त्वाच्या मार्गांवर अतिरिक्त पोलीस कर्मचारी तैनात राहणार आहेत.

विश्वास नांगरे पाटील यांच्या मार्गदर्शनाखाली शहरात पोलिसांची नियमित गस्त सुरू राहणार असून, कोणत्याही अनुचित प्रकाराला आळा घालण्यासाठी पोलिस यंत्रणा सज्ज ठेवण्यात आली आहे. संशयास्पद हालचाली तसेच समाजकंटकांवरही पोलिसांची नजर राहणार आहे.

Gold Rate

Aug 25 ,2026 - Time 10.30Hrs

Gold 24 KT ₹ 1 62,100 /-

Gold 22 KT ₹ 1,50,400 /-

Silver/Kg ₹ 2,42,200/-

Platinum ₹ 88,000/-

Recommended rate for Nagpur sarafa Making charges minimum 13% and above

सणाच्या काळात समाजमाध्यमांवरून अफवा, आक्षेपार्ह किंवा चिथावणीखोर संदेश प्रसारित होऊ नयेत, यासाठी पोलिसांकडून समाजमाध्यमांवरही बारकाईने लक्ष ठेवले जाणार आहे. नागरिकांनी अफवांवर विश्वास न ठेवता कोणताही आक्षेपार्ह संदेश पुढे पाठवू नये, असे आवाहन पोलीस आयुक्त विश्वास नांगरे पाटील यांनी केले आहे.

ईद-उल-मिलादचा सण शांतता, सलोखा आणि बंधुभावाच्या वातावरणात साजरा करावा, असे आवाहनही नागपूर शहराचे पोलीस आयुक्त विश्वास नांगरे पाटील यांनी नागरिकांना केले आहे. तसेच कोणतीही संशयास्पद हालचाल किंवा अनुचित घटना निदर्शनास आल्यास नागरिकांनी तातडीने ११२ या मदत क्रमांकावर संपर्क साधावा, असेही त्यांनी स्पष्ट केले.