नागपूर : गुन्हे उकलण्यात दाखवलेली तत्परता, अचूक नियोजन आणि प्रभावी तपासपद्धतीच्या जोरावर नागपूर शहर पोलिसांनी महाराष्ट्रात पुन्हा एकदा आपली वेगळी छाप उमटवली आहे. राज्य पोलीस दलातील प्रतिष्ठेचा समजला जाणारा ‘गुणात्मक अन्वेषणासाठी सर्वोत्कृष्ट प्रयत्न’ हा सन्मान यंदा नागपूर शहर पोलीस आयुक्तालयाच्या नावे झाला आहे. या यशामुळे नागपूर पोलिसांच्या कार्याचे सर्व स्तरांतून कौतुक होत आहे.
मुंबई येथे पोलीस महासंचालक कार्यालयात पार पडलेल्या विशेष कार्यक्रमात महाराष्ट्राचे पोलीस महासंचालक सदानंद दाते यांच्या हस्ते गुन्हे शाखा युनिट क्रमांक १ मधील अधिकारी आणि कर्मचाऱ्यांचा गौरव करण्यात आला. प्रशस्तीपत्र देऊन त्यांच्या उल्लेखनीय तपासकार्याचा सन्मान करण्यात आला.
Gold Rate
Aug 26 ,2026 - Time 10.30Hrs
काही महिन्यांपूर्वी सदर पोलीस ठाण्याच्या हद्दीतील राजनगर परिसरात तब्बल ३ कोटी रुपयांच्या घरफोडीची धक्कादायक घटना घडली होती. या गुन्ह्याचा तपास पोलिसांसाठी मोठे आव्हान ठरत असताना, पोलीस निरीक्षक ज्ञानेश्वर भेदोडकर यांच्या नेतृत्वाखालील पथकाने वेगाने तपासाची सूत्रे हलवत दोन सराईत आरोपींना अटक केली.
या कारवाईदरम्यान मोठ्या प्रमाणात दागिने आणि रोख रक्कम जप्त करण्यात पोलिसांना यश आले. तपास प्रक्रियेत API राजाभाऊ जाधव, API सचिन भोंडे आणि हेड कॉन्स्टेबल रवी अहिर यांनी महत्त्वपूर्ण योगदान दिले. त्यांच्या बारकाईच्या तपासामुळे हा गुन्हा अल्पावधीत उघडकीस आला.
नागपूर पोलिसांच्या या कामगिरीची दखल पुणे येथील गुन्हे अन्वेषण विभागासह राज्य पोलीस मुख्यालयानेही घेतली आहे. या तपासामुळे नागपूर पोलिसांनी इतर पोलीस यंत्रणांसमोर एक प्रभावी उदाहरण निर्माण केले आहे.
नागपूर शहराचे पोलीस आयुक्त डॉ. रविंद्रकुमार सिंगल यांनी संपूर्ण पथकाचे अभिनंदन करत त्यांच्या कार्याची प्रशंसा केली. कर्तव्यदक्षता आणि तपासातील गुणवत्ता यामुळेच नागपूर पोलिसांनी राज्यात वेगळी ओळख निर्माण केल्याचे त्यांनी सांगितले.
या गौरवामुळे नागपूर शहराचा सन्मान राज्यभर उंचावला असून, नागरिकांकडूनही पोलीस दलावर अभिनंदनाचा वर्षाव होत आहे.
LIVE | NEWS BULLETIN NAGPUR TODAY
जालना में भांजी को अपशब्द कहने पर युवक की हत्या! #Crime #MaharashtraNews...
नागपुर के बार के बाहर मिर्च पाउडर डालकर युवक पर चाकू से...
हुडकेश्वर में चोरों का पर्दाफाश! 10 घरफोड़ियां सुलझीं #NagpurNews #NagpurCrime #Hudkeshwar #CCTV
नागपुर में कांग्रेस नगरसेवक के घर आधी रात फायरिंग! #NagpurNews #NagpurFiring #Wathoda...
मेहकर में सड़क पर महिला की डिलीवरी! #BuldhanaNews #MehkarNews #HospitalNegligence #MaharashtraNews
