नागपूर : नागपूर जिल्ह्यातील कामठी तालुक्यात खैरी ग्रामपंचायत हद्दीत असलेल्या एका मोठ्या स्क्रॅप गोडाऊनला गुरुवारी सकाळी भीषण आग लागल्याने परिसरात एकच खळबळ उडाली. आग इतकी भीषण होती की काही क्षणांतच संपूर्ण गोडाऊन आगीच्या विळख्यात सापडले आणि शेकडो स्क्रॅप कार जळून खाक झाल्या. या आगीत कोट्यवधी रुपयांचे नुकसान झाल्याची प्राथमिक माहिती समोर आली आहे.
मिळालेल्या माहितीनुसार, खैरी परिसरातील हे स्क्रॅप गोडाऊन नागपूरच्या जाफरनगर येथील निजाम अन्सारी यांचे असल्याचे सांगितले जात आहे. गोडाऊनमध्ये मोठ्या प्रमाणात चारचाकी स्क्रॅप वाहने ठेवण्यात आली होती. गुरुवारी सकाळी सुमारे ९ वाजताच्या सुमारास स्थानिक नागरिकांना गोडाऊनमधून धूर निघताना दिसला. काही वेळातच आगीने रौद्र रूप धारण केले आणि संपूर्ण परिसरात आग पसरली.
Gold Rate
Aug 27 ,2026 - Time 10.30Hrs
घटनेची माहिती मिळताच स्थानिक नागरिकांनी पोलिस व अग्निशमन विभागाला कळविले. त्यानंतर कामठी नगर परिषद, येरखेडा नगर पंचायत तसेच नागपूर महानगरपालिकेच्या अग्निशमन विभागाच्या १० हून अधिक दमकल गाड्या घटनास्थळी दाखल झाल्या. अग्निशमन दलाचे जवान युद्धपातळीवर आग विझविण्याचे प्रयत्न करत आहेत.
या भीषण आगीत गोडाऊनमध्ये उभ्या असलेल्या ५०० हून अधिक स्क्रॅप कार पूर्णपणे जळून खाक झाल्याची माहिती आहे. सुदैवाने अद्याप कोणतीही जीवितहानी झाल्याची माहिती समोर आलेली नाही. दरम्यान, आग लागण्याचे नेमके कारण अद्याप स्पष्ट झाले नसून प्रशासनाकडून नुकसानाचा पंचनामा व तपास सुरू आहे.
FDA पर ज्वाला धोटे का बड़ा आरोप! “होटल वालों से होती है...
नागपुर में NCP का तिरंगा मोर्चा! #NagpurNews #NCP#TirangaMorcha #maharashtranews
मुंबई में किसान आंदोलन! ‘वर्षा’ की नीलामी की मांग #Mumbai #Protest #MaharashtraNews...
12 करोड़ का फायर सिस्टम फिर भी बंद! #WardhaNews #WardhaHospital #FireSafety #MaharashtraNews
अमित ठाकरे बोले- सेल्फी नहीं, अपनी समस्या बताओ! #NagpurNews #MNS #StudentIssues #MaharashtraNews
LIVE | NEWS BULLETIN NAGPUR TODAY
