नागपूर : ओडिशातून नागपुरात आणण्यात आलेल्या गांजाच्या मोठ्या साठ्यावर गुन्हे शाखेच्या अमली पदार्थ विरोधी पथकाने कारवाई करत तस्करीचा डाव उधळून लावला. वाठोडा परिसरातील विहीरगाव बाह्यवळण मार्गावर पोलिसांनी केलेल्या कारवाईत ३० किलो ८०० ग्रॅम गांजा जप्त करण्यात आला. या कारवाईत दोन जणांना अटक करण्यात आली असून ट्रक, कार आणि मोबाईल असा तब्बल २३ लाख रुपयांचा मुद्देमाल पोलिसांनी ताब्यात घेतला.
अमली पदार्थ विरोधी पथकाला ओडिशातून मोठ्या प्रमाणात गांजा नागपुरात आणला जाणार असल्याची माहिती मिळाली होती. या माहितीची खातरजमा करून पोलिसांनी विहीरगाव बाह्यवळण मार्गावरील गौरी फॅमिली गार्डनजवळ पाळत ठेवली.
Gold Rate
Aug 8 ,2026 - Time 10.30Hrs
दरम्यान, संशयित ट्रकमधून गांजाची पोती खाली उतरवून एका कारमध्ये भरली जात असल्याचे पोलिसांच्या निदर्शनास आले. पोलिसांनी तत्काळ कारवाई करत घटनास्थळी धाड टाकली. झडतीदरम्यान ३० किलो ८०० ग्रॅम गांजा आढळून आला. या गांजाची अंदाजे किंमत ७ लाख ७० हजार रुपये असल्याचे पोलिसांनी सांगितले.
कारवाईत गांजासह आयशर ट्रक, एक कार आणि दोन मोबाईल फोन जप्त करण्यात आले. जप्त केलेल्या सर्व मुद्देमालाची एकत्रित किंमत सुमारे २३ लाख रुपये आहे.
तपासात ट्रक चालक अमित परतेकी, रा. रामटेक याने ही गांजाची खेप ओडिशातून नागपुरात आणल्याचे समोर आले. तर ही खेप मागविण्यामागे महेश बाबू उर्फ साबिर, रा. हसनबाग याचा सहभाग असल्याचा पोलिसांचा संशय आहे. गांजा ताब्यात घेण्यासाठी महेशने त्याचा नातेवाईक शेख सुल्तान उर्फ टीपू अशपाक शेख याला कार घेऊन पाठवल्याचे तपासात निष्पन्न झाले.
पोलिसांनी अमित परतेकी आणि शेख सुल्तान उर्फ टीपू या दोघांना अटक केली आहे. मात्र या प्रकरणातील मुख्य संशयित महेश बाबू उर्फ साबिर अद्याप पोलिसांच्या हाती लागलेला नसून त्याचा शोध घेण्यासाठी पथकाकडून विविध ठिकाणी तपास सुरू आहे.
या प्रकरणी वाठोडा पोलीस ठाण्यात अमली पदार्थ प्रतिबंधक कायद्यानुसार गुन्हा दाखल करण्यात आला असून, ओडिशातून नागपुरापर्यंत गांजाची ही खेप पोहोचविणाऱ्या संपूर्ण साखळीचा शोध घेण्याचे काम पोलिसांकडून सुरू आहे.
KYC के नाम पर ₹7.5 लाख साफ! #NagpurNews #CyberFraud #CyberCrime #OnlineFraud #KYCScam...
मालिक नहीं मिला तो कर्मचारी पर हमला! #NagpurNews #Crime #KnifeAttack #CrimeNews #MaharashtraCrime
मंगलसूत्र और सोने की मणि चोरी के दो मामले उजागर
वर्धा में ग्राम पंचायत कर्मचारियों का जिला परिषद पर मोर्चा #vidarbhanews #wardha...
नाना पटोले का अमित शाह पर तीखा हमला #vidarbhanews #nagpur #newsupdate #vidarbha...
रत्नागिरी समुद्र तट पर पर्यटकों की कार फंसी #maharashtranews #ratnagiri #newsupdate #maharashtra
