Advertisement
नागपूर : विधान परिषद निवडणुकीच्या पार्श्वभूमीवर लागू झालेल्या आदर्श आचारसंहितेमुळे नागपूर महानगरपालिकेचा अर्थसंकल्प सादर करण्यास स्थगिती मिळाली आहे. आज सादर होणारा महापालिकेचा अर्थसंकल्प अखेर पुढे ढकलण्यात आला.
महापौर निता ठाकरे यांनी याबाबत माहिती देताना सांगितले की, कालपासून आदर्श आचारसंहिता लागू झाल्यामुळे अर्थसंकल्प सादर करण्यास निवडणूक आयोगाची परवानगी आवश्यक ठरली आहे. यासाठी महापालिकेकडून निवडणूक आयोगाला पत्र पाठविण्यात आले असून आयोगाच्या मंजुरीनंतरच अर्थसंकल्प सभागृहात मांडला जाणार आहे.
दरम्यान, अर्थसंकल्प लांबल्याने विविध विकासकामांवरील निर्णय आणि निधी मंजुरी प्रक्रियेवरही परिणाम होण्याची शक्यता व्यक्त केली जात आहे. महापालिकेच्या आगामी आर्थिक नियोजनाकडे आता सर्वांचे लक्ष लागले आहे.
Advertisement
Advertisement
