नागपूर : कोराडी परिसरात खर्रा मागण्याच्या किरकोळ कारणावरून सुरू झालेला वाद हिंसक वळणावर गेला. या घटनेत २२ वर्षीय भाजी विक्रेत्याला धक्काबुक्की करून खाली पाडल्याने त्याच्या कंबरेला फ्रॅक्चर झाले. या प्रकरणी कोराडी पोलिसांनी आरोपीविरुद्ध गुन्हा दाखल करून पुढील तपास सुरू केला आहे.
पोलिसांनी दिलेल्या माहितीनुसार, ही घटना ५ जुलै रोजी रात्री सुमारे १०.३० वाजताच्या सुमारास कोराडी रोडवरील बॉक्स कूलरजवळील शिवकृष्णधाम झोपडपट्टी परिसरात घडली.
Gold Rate
July 13 ,2026 - Time 10.30Hrs
जखमी अभिषेक रामकृष्ण विश्वकर्मा (२२) हा भाजी विक्रीचा व्यवसाय करतो. त्याच परिसरात राहणारा वैभव पारटेकी (२२) हा त्याचा शेजारी असून दोघांची पूर्वीपासून ओळख आहे. पोलिसांच्या माहितीनुसार, आरोपीविरुद्ध यापूर्वी कोणताही गुन्हा नोंद नव्हता.
तपासादरम्यान समोर आलेल्या माहितीनुसार, घटनेच्या काही वेळ आधी अभिषेकचा मोठा भाऊ जितेंद्र आणि आरोपीचा भाऊ अनिकेत यांच्यात खर्रा मागण्याच्या कारणावरून शाब्दिक वाद झाला होता. या वादामुळे दोन्ही कुटुंबांमध्ये तणाव निर्माण झाला.
यानंतर रात्री वैभवने अभिषेकला गाठून त्याच्याशी वाद घातला. वाद वाढताच त्याला जोरात धक्का दिल्याचा आरोप आहे. धक्क्यामुळे अभिषेक खाली कोसळला आणि त्याच्या कंबरेला गंभीर दुखापत होऊन फ्रॅक्चर झाले.
जखमी अभिषेकला तातडीने नागपूरच्या मेयो रुग्णालयात उपचारासाठी दाखल करण्यात आले. पीडिताच्या तक्रारीवरून कोराडी पोलिसांनी भारतीय न्याय संहिता (BNS) अंतर्गत दुखापत व मारहाणीच्या संबंधित कलमान्वये गुन्हा नोंदवला असून, घटनेचा पुढील तपास सुरू आहे.
LIVE | NEWS BULLETIN NAGPUR TODAY
गर्लफ्रेंड को घुमाने के लिए बना बाइक चोर, आरोपी गिरफ्तार ...#nagpurnews
सेवानिवृत्त उप जिलाधिकारी के घर में हुई चोरी का खुलासा #NagpurNews #CrimeNews...
गौरक्षण आश्रम के बाहर खड़ी कार का कांच तोड़कर चोरी ...#maharashtranews #vidarbhanews...
इथेनॉल विवाद पर बढ़ा सियासी संग्राम #nagpurnews #ethenol #nitingadkari #bjp #cybercrime #latestnews
स्मार्ट मीटर मुद्दे पर शिवसेना का ज्ञापन ... #maharashtranews #vidarbhanews #nagpurnews #newsupdate
