Published On : Sat, Aug 17th, 2019

रामटेक येथे नवीन पोलीस चौकीचे उदघाटन

Advertisement

रामटेक शहर प्रतिनिधी -रामटेक येथील अनेक दिवसापासून प्रलम्बीत प्रश्न ज्याची गाँधी चौकात खरी गरज होती अखेर नुकतेच आमदार मल्लिकार्जुन रेड्डी यांचे हस्ते रामटेक गांधी चौक, स्टेट बँके जवळील पोलीस चौकीचे उदघाटन झाले .

चौकामध्ये पोलीस चौकी असल्याने पोलिसांची तिथे सतत ड्यूटी असल्याने पार्किंग , ट्राफिक समस्या , रोड रोमियो तसेच इतर बाबींवर लगाम लागुण त्यांचेवर वचक बसेल असे ह्यावेळी पोलीस निरीक्षक दिलीप ठाकूर यानी सांगितले . इथे एक पोलीस उपनिरीक्षक , एक राइटर , दोन पोलीस कॉन्स्टेबल यांची ड्यूटी राहणार असल्याचे त्यांनी सांगितले . आधीची पोलीस चौकी जी होती तिथे फ़क्त रात्री झौपण्याकरीताच पोलीस येत असे .

असला प्रकार ह्यावेळी कदापीही चालणार नाही असे सांगून चौकीला आवश्यक तेवढा स्टाफ दिला जाईल अशी ग्वाही ह्यावेळी आमचे प्रतिनिधी शी बोलताना दिली .

ह्यावेळी प्रामुख्याने नगराध्यक्ष दिलीप देशमुख ,माजी भारतीय खाद्य निगम सदस्य विजय हटवार , नगरसेवक आलोक मानकर , रामानंद अडामे , सार्वजनिक बांधकाम विभागाचे सहाय्यक अभियंता सुनील दमाहे , शाखा अभियंता संदीप पाचकवडे, पोलीस निरीक्षक दिलीप ठाकुर ,हुसेनभाई मालाधारी , विनायक बांते , स्वप्नील दियेवार व मान्यवर मंडळींची उपस्थिती होती.