नागपूर – हिवाळी अधिवेशनात विदर्भातील अनेक महत्त्वाचे प्रश्न चर्चेला न आल्याचा आरोप आमदार विकास ठाकरे यांनी केला आहे. विदर्भाच्या विकासाशी आणि जनतेच्या दैनंदिन अडचणींशी संबंधित विषयांकडे सत्ताधाऱ्यांनी जाणीवपूर्वक दुर्लक्ष केल्याचे त्यांनी म्हटले.
विकास ठाकरे म्हणाले की, विदर्भातील शेतकरी समस्या, सिंचन, रोजगार, आरोग्य व पायाभूत सुविधांबाबत ठोस चर्चा अपेक्षित होती. मात्र अधिवेशनात या प्रश्नांना अपेक्षित महत्त्व देण्यात आले नाही. त्यामुळे विदर्भातील नागरिकांमध्ये नाराजीचे वातावरण आहे.
Gold Rate
18 dec 2025
“विदर्भ आजही अनेक मूलभूत समस्यांशी झगडत आहे. या प्रश्नांवर सभागृहात गंभीर चर्चा होणे गरजेचे होते. मात्र सरकारकडून त्याकडे दुर्लक्ष झाले,” असा आरोप त्यांनी केला. विदर्भाच्या सर्वांगीण विकासासाठी सरकारने ठोस धोरण आखावे आणि आगामी अधिवेशनात या मुद्द्यांना प्राधान्य द्यावे, अशी मागणीही विकास ठाकरे यांनी केली.
