नागपूर : नागपुरातील लंडन स्ट्रीट परिसरात विकासकामांसाठी झाडांची तोड केली जात असल्याने पर्यावरणप्रेमी आणि स्थानिक नागरिक आक्रमक झाले आहेत. झाडांची कत्तल थांबवण्याच्या मागणीसाठी नागरिकांनी घटनास्थळी एकत्र येत जोरदार निदर्शने केली. यावेळी झाडांना मिठी मारून ‘चिपको आंदोलन’ करत वृक्षतोडीचा निषेध करण्यात आला.विकासकामांसाठी हिरवळ नष्ट करण्याचा निर्णय योग्य आहे का, असा सवाल पर्यावरणप्रेमींनी उपस्थित केला. अनेक वर्षांपासून परिसरातील पर्यावरणाचा समतोल राखणारी झाडे विकासाच्या नावाखाली तोडली जात असल्याने नागरिकांमध्ये नाराजी आहे. “विकास हवा, मात्र त्यासाठी झाडांची किंमत मोजावी लागणार असेल तर असा विकास कशासाठी?” असा सवाल आंदोलनकर्त्यांनी केला.
झाडांची तोड सुरू असल्याची माहिती मिळताच पर्यावरणप्रेमी घटनास्थळी पोहोचले. त्यांनी झाडांना मिठी मारून ती तोडण्यापासून वाचवण्याचा प्रयत्न केला. काही नागरिकांनी हातात फलक घेत वृक्षतोडीविरोधात घोषणाबाजीही केली.
शहरात वाढते तापमान, प्रदूषण आणि बदलते हवामान यामुळे झाडांचे महत्त्व अधिक वाढले आहे. अशा परिस्थितीत विकासकामांचे नियोजन करताना पर्यावरणाचा विचार करणे गरजेचे असल्याचे आंदोलनकर्त्यांनी सांगितले. झाडे तोडण्याऐवजी पर्यायी मार्गांचा विचार करावा आणि शक्य तितकी हिरवळ जपावी, अशी मागणी करण्यात आली.
Gold Rate
Aug 27 ,2026 - Time 10.30Hrs
लंडन स्ट्रीटवरील या आंदोलनामुळे विकास विरुद्ध पर्यावरण हा मुद्दा पुन्हा एकदा चर्चेत आला आहे. प्रशासनाने वृक्षतोडीबाबत स्पष्ट भूमिका जाहीर करून पर्यावरणप्रेमी आणि नागरिकांच्या मागण्यांचा विचार करावा, अशी अपेक्षा व्यक्त होत आहे.
