नवी दिल्ली: भारतीय निवडणूक आयोगाने आज महाराष्ट्र विधान परिषद आणि आंध्र प्रदेशच्या पोटनिवडणुकीच्या तारखा जाहीर केल्या आहेत. या दोन्ही पोटनिवडणुका २१ मे रोजी सकाळी ८ ते दुपारी ४ या वेळेत होणार आहेत. महाराष्ट्र विधान परिषदेतील ६ जागा अनुक्रमे ३१ मे आणि २१ जून रोजी रिक्त होणार आहेत.
भारतीय निवडणूक आयोगाने दिलेल्या माहितीनुसार, रायगड-रत्नागिरी-सिंधुदुर्ग येथून अनिल दत्तात्रेय तटकरे यांचा कार्यकाळ ३१ मे रोजी संपत आहे. नाशिकच्या जयवंतराव पुंडलिकराव जाधव, वर्धा-चंद्रपूर-गडचिरोली येथील मितेश बांगडीया, परभणी-हिंगोली येथील दुरानी अब्दुल्ला खान, अमरावतीमधील प्रवीण रामचंद्रजी पोटे आणि उस्मानाबाद-लातूर-बीडचे दिलीपराव दगडोजीराव देशमुख यांचा कार्यकाळ २१ जून रोजी संपणार आहे.
Gold Rate
31 dec 2025
आंध्र प्रदेशमधील चित्तूर स्थानिक अधिकारी मतदारसंघातील गल्ली मुद्दूकृष्णनमा नायडू यांचे ७ फेब्रुवारी रोजी निधन झाले होते. त्यामुळे येथे पोटनिवडणूक होणार आहे. निवडणूक आयोगाच्या वेळापत्रकाप्रमाणे, अधिसूचना जारी करण्याची तारीख २६ एप्रिल असेल तर अर्ज करण्याची अंतिम तारीख ३ मे असेल. अर्जाची छाननी ४ मे रोजी होईल. अर्ज मागे घ्यायची तारीख ७ मे आहे. २९ मे रोजी निवडणुकीची प्रक्रिया पूर्ण होईल असे आयोगााने सांगितले आहे.
