Published On : Thu, May 6th, 2021

कृषी अधिका-या व्दारे गावात तुर, धान, सोयाबीन बीज उगवण क्षमता प्रात्याक्षिक

Advertisement

पारशिवनी : – पारशिवनी तालुक्यातील गावात जावुन मंडळ कृषी अधिकारी व सहाय्यकांनी बीज उगवण क्षमता प्रास्ताविक ३% मिठ प्रक्रिया, पिकाची फेर पालट, बियाणे खरेदी विषयी ग्रामस्थ शेतक-यांना मार्गदर्शन केले.

मंगळवार (दि.४) मे २०२१ ला पारशिवनी कृषी विभागांतर्गत मंडळ कृषी अधिका-या व्दारे मौजा गुंढरी (पांडे), घुकशी, बखारी, गोंडेगाव व बोरडा या गावात तुर, धान, सोयाबीन बीज उगवण क्षमता प्रात्याक्षिक करून समाजावुन सांगत धानाची ३% मिठाची बिजाप्रक्रिया, पिकाची फेरपालट, बियाणे खरेदी करताना घ्यावयाची काळजी आदी शेतीच्या महत्वाच्या विषयावर मा. मंडळ कृषी अधिकारी श्री. जी. बी. वाघ साहेब यांनी उपस्थित ग्रामस्थ शेतक-यांना मार्गदर्शन केले.

याप्रसंगी मा.कृ.प. कन्हान श्री. कुबडे सर, कृ. से. राठोड, ठोंबरे, गटकळ, ढंगारे, शेख, झोड सह ग्रामस्थ शेतकरी बांधव प्रामुख्याने उपस्थित होते.