नागपूर :लोकसभेच्या पहिल्या टप्प्यात पूर्व विदर्भातील पाच जागांसाठी मतदान होणार आहे. यापार्श्वभूमीवर बसपाच्या उमेदवाराच्या प्रचारासाठी उत्तर प्रदेशच्या माजी मुख्यमंत्री व बसपाच्या राष्ट्रीय अध्यक्षा मायावती यांची जाहीर सभा गुरूवार ११ एप्रिल रोजी दुपारी ३ वाजता बेझनबाग मैदानावर आयोजित करण्यात आली आहे.
नागपुरातून योगेश लांजेवार हे बसपाकडून लोकसभा निवडणुकीच्या रिंगणात उतरले आहे. यासोबतच रामटेकमधून संदीप मेश्राम, भंडारा-गोंदिया संजय कुभलकर, गडचिरोली -चिमूर योगेश गोन्नारे आणि चंद्रपूर येथून राजेंद्र रामटेके हे बसपाचे उमेदवार आहेत.
Gold Rate
Thursday 16 Jan. 2025
या पाचही उमेदवारांच्या प्रचारासाठी मायावती यांची नागपुरात जाहीर सभा घेत आहेत. मायावती या दुपारी नागपूरला येतील. सर्वप्रथम त्या दीक्षाभूमीला भेट देऊन डॉ. बाबासाहेब आंबेडकर व तथागत गौतम बुद्ध यांना अभिवादन करतील. त्यानंतर त्या सभेला संबोधित करणार आहेत.
