Published On : Mon, Mar 5th, 2018

हनुमाननगर येथे ज्येष्ठ नागरिक विरंगुळा केंद्राचे भूमिपूजन

नागपूर: नागपूर महानगरपालिकेच्या वतीने हनुमाननगर येथील उद्यानात उभारण्यात येणाऱ्या ज्येष्ठ नागरिक विरंगुळा केंद्राचे भूमिपूजन महापौर नंदा जिचकार यांच्या हस्ते सोमवारी (ता. ५) झाले. यावेळी हनुमाननगर झोन सभापती भगवान मेंढे, नगरसेवक डॉ. रवींद्र (छोटू) भोयर, सतीश होले, नगरसेविका उषा पॅलट, शीतल कामडे प्रामुख्याने उपस्थित होते.

महापौर नंदा जिचकार यांनी त्यांच्या विकास निधीतून शहरातील दहाही झोनमध्ये ज्येष्ठ नागरिकांसाठी विरंगुळा केंद्र उभारण्याचा संकल्प हाती घेतला आहे. यापूर्वी लक्ष्मीनगर झोनमध्ये आजी-आजोबा उद्यानात पहिल्या ज्येष्ठ नागरिक विरंगुळा केंद्राचे भूमिपूजन झाले. त्यानंतर दुसरे केंद्र हनुमाननगर झोनअंतर्गत उभारण्यात येणार आहे. दहाही झोनमध्ये टप्प्याटप्प्याने विरंगुळा केंद्राचे भूमिपूजन होणार असल्याची माहिती महापौर नंदा जिचकार यांनी यावेळी दिली. कार्यक्रमाला उद्यान अधीक्षक धनंजय मेंडूलकर, हनुमाननगर झोनचे उपअभियंता कृष्णकुमार हेडाऊ, देवेंद्र दस्तुरे, अमोर चोरपगार, प्रशांत कामडे, जयश्री गभने, रवी आंबटकर उपस्थित होते.