गोंदिया : गेल्या दोन दिवसांपासून शहरात ऑनलाइनद्वारे फसवणुकीच्या घटना समोर आल्या आहेत. यापार्श्वभूमीवर किराणा व तेल व्यापाऱ्यांची फसवणूक करणाऱ्या दोन संशयित गुंडांना शहर पोलिसांनी ताब्यात घेतले असून त्यांच्याकडून खरेदी केलेला काही माल व रोख रक्कमही जप्त केली आहे. अटक करण्यात आलेल्या दोन्ही तरुणांचे वय 21 ते 22 वर्षे असून ते छत्तीसगड राज्यातील दुर्ग आणि भिलाई येथील रहिवासी आहेत.
पोलिसांनी दिलेल्या माहितीनुसार, सायबर फसवणूक करणाऱ्या दोन्ही संशयितांकडून डिजिटल पेमेंटमध्ये वापरले जाणारे मोबाईलही जप्त करण्यात आले. या मोबाईलची तपासणी केल्यानंतर गुपिते उघड होऊ शकतात, असे मानले जात आहे. या आरोपींना पोलीस आज न्यायालयात हजर करून रिमांड मागू शकतात.
Gold Rate
Tuesday18 March 2025
23 एप्रिल रोजी सायंकाळी 4.00 ते 7:30 वाजताच्या सुमारास गंज वॉर्डातील जयश्री टॉकीजजवळील श्री गजानन ट्रेडर्स नावाच्या दुकानात जाऊन आरोपीने संचालक नितीनकुमार बलदेव प्रसाद अग्रवाल यांच्याकडून 1845 या दराने 5 तेलाचे डबे घेतले. खरेदीनंतर बारकोड स्कॅन केला आणि स्कॅनरमधून पेमेंट जात नाही, दुकानदाराला नंबर विचारून माझे वडील तुम्हाला पैसे देत आहेत, असे आरोपी दुकानदाराला म्हणाला. आरोपीने बँकेच्या डेबिट खात्यातून 10 हजारांचा मेसेज दाखवून दुकानदाराची समजूत काढली.दुकानदाराला विश्वासात घेतल्यानंतर आरोपीने 775 रुपये घेऊन त्याठिकाणाहून पळ काढला. मात्र अद्यापही रक्कम व्यापाऱ्याच्या खात्यात आलीच नाही. तक्रारदार दुकानदार अरुण लालचंद पृथ्यानी याच्यासोबतही याच घटनेची पुनरावृत्ती झाली. आरोपीने पृथ्यानी यांच्यासोबतही 2030 रुपये दराने तेलाच्या 5 डब्यांची खरेदी करून 4875 रुपये रोख घेऊन 15000 रुपयांची फसवणूक केली. आरोपीने समीर तिगाला नावाच्या किराणा व्यापाऱ्याकडून 4 तेलाचे डबे 1875 रुपयांना खरेदी केले. आणि त्यांनाही 7500 रुपयाचा चुना लावला. राजेश गुप्ता नावाच्या व्यापाऱ्याकडून 1830 मध्ये 5 तेलाचे डब्बे खरेदी केले आणि नगदी 1850 रूपए घेऊन आरोपीने त्या व्यापाऱ्याची फसवणूक केली. तसेच संतोष जैस्वाल नावाच्या दुकानदाराकडून 1900 रुपये किमतीला 5 तेलाचे डबे घेऊन व्यापाऱ्याची 9500 रुपयांची फसवणूक केल्याची तक्रार या पाच व्यावसायिकांपैकी अज्ञात आरोपींविरुद्ध शहर पोलीस ठाण्यात करण्यात आली. पोलिसांनी आरोपींवर कलम 420, 34 अन्वये गुन्हा दाखल केला असून सोशल मीडियावर व्हायरल होणाऱ्या छायाचित्रे व व्हिडिओ फुटेजच्या आधारे पोलिसांनी तपास सुरू केला आहे.
– फसवणुकीपासून सावध रहा !
अ‌ॅपद्वारे पैसे भरल्यानंतर, पैसे तुमच्या स्वतःच्या खात्यात येतात तज्ज्ञांच्या मते, स्क्रूफ पेमेंट सारखे अ‌ॅप वापरून 5 ते 15000 च्या दरम्यान खरेदी करून व्यापाऱ्यांची निवड केली जाते.खरेतर कोणत्याही दुकानातून वस्तू खरेदी केल्यानंतर बार कोड स्कॅन केला जातो आणि स्कॅनरद्वारे पेमेंट जात नाही.त्यावरून नंबर विचारला जातो. दुकानदाराला आणि खात्री देण्यासाठी ठग त्याच्याच बँकेतील डेबिट खात्याचा मेसेज दाखवतात, त्यामुळे दुकानदाराची खात्री पटते आणि तो त्यांना वस्तू देतो. जेव्हा त्याने एखाद्याला पैसे दिले तर ते अ‌ॅपच्या खात्यात ट्रान्सफर केले जातात. मेकर आणि त्या खात्यातून, फसवणूक करणारे पैसे त्यांच्या खात्यात हस्तांतरित करतात. अशा प्रकारची फसवणूक टाळण्यासाठी, व्यापाऱ्याने नेहमी जागरूक असले पाहिजे आणि प्रत्येक व्यवहारानंतर तुम्ही तुमच्या बँक खात्यातील शिल्लक तपासली पाहिजे आणि असे प्रकार टाळण्यासाठी डिजिटल पेमेंटसाठी नेहमी स्पीकरचा वापर करावा. त्यामुळे फसवणूक होणार नाही, अशी विनंती पोलिस प्रशासनाकडून करण्यात आली आहे.
रवि आर्य
