नागपूर: नागपूर रेल्वे स्थानकावर सोमवारी एक गंभीर घटना उघडकीस आली आहे. शालीमार एक्सप्रेस (गाडी क्रमांक 18030) मधून २६ मुस्लिम मुलांना संशयास्पद परिस्थितीत नागपूरला आणले जात होते. ही माहिती मिळताच रेल्वे सुरक्षा दल (RPF) ने तातडीने कारवाई करत सर्व मुलांना ट्रेनमधून खाली उतरवले आणि त्यांना नागपूर स्थानकावरील RPF पोस्टमध्ये नेण्यात आले.
मुलांसोबत असलेला एक व्यक्ती — ज्याला त्यांचा ‘उस्ताद’ म्हटले जात आहे — त्यालाही ताब्यात घेण्यात आले असून त्याची सखोल चौकशी सुरू आहे.
Gold Rate
26 July 2025
घटनेची सुरुवात तेव्हा झाली जेव्हा ड्युटीवर असलेल्या स्थानक व्यवस्थापकाला प्लॅटफॉर्म क्रमांक ८ वर ही मुले एकत्र बसलेली आणि त्यांच्या हालचाली संशयास्पद वाटल्या. त्यांनी त्वरित RPF ला माहिती दिली आणि ट्रेन नागपूरला पोहोचताच ही कारवाई करण्यात आली.
प्राथमिक चौकशीत समोर आले की ही सर्व मुले उत्तर प्रदेशमधून आणली जात होती आणि त्यांना नागपूरच्या ताजबाग परिसरातील एका मदरशामध्ये दाखल करण्यात येणार होते. मुलांसोबत असलेल्या उस्तादाने उत्तर प्रदेशातील स्थानिक पंचायतने दिलेले परवानगीपत्र सादर केले.
मात्र काही वेळातच हा प्रकार उच्चस्तरीय झाला, जेव्हा राज्य अल्पसंख्यांक आयोग आणि बाल विकास संस्थेचे प्रतिनिधी स्टेशनवर पोहोचले. त्यांनी मुलांच्या कागदपत्रांबाबत आणि मिळालेल्या परवानगीची वैधता तपासण्यास सुरुवात केली.
सध्या RPF आणि बाल संरक्षण यंत्रणा या प्रकरणाचा सखोल तपास करत असून मुलांच्या सुरक्षेच्या दृष्टीने आवश्यक ती काळजी घेतली जात आहे.
