नागपूर : गोवा प्रवास करणाऱ्या नागपूरकरांसाठी मोठी आनंदाची बातमी समोर आली आहे. केंद्रीय मंत्री नितीन गडकरी यांच्या हस्ते नागपूर रेल्वे स्थानकावरून मडगावसाठी विशेष ट्रेनला हिरवा झेंडा दाखवून रवाना करण्यात आले. नागपूर रेल्वे स्थानकाच्या प्लॅटफॉर्म क्रमांक ८ वर हा विशेष कार्यक्रम पार पडला.
विशेष ट्रेन सुरू झाल्याने प्रवाशांमध्ये मोठा उत्साह पाहायला मिळाला. रेल्वे अधिकारी, लोकप्रतिनिधी आणि नागरिकांच्या उपस्थितीत ट्रेनचे स्वागत करण्यात आले. ट्रेन रवाना होताच प्रवाशांनी आनंद व्यक्त करत जल्लोष केला.
यावेळी बोलताना नितीन गडकरी यांनी सांगितले की, या विशेष रेल्वे सेवेमुळे विदर्भ आणि गोवा दरम्यान प्रवास करणाऱ्या नागरिकांना मोठा दिलासा मिळणार आहे. पर्यटन, व्यापार तसेच कौटुंबिक कारणांसाठी प्रवास करणाऱ्या प्रवाशांना या सेवेचा मोठा फायदा होईल, असेही त्यांनी नमूद केले.
Gold Rate
May 14- 2026 - Time 10.30Hrs
रेल्वे प्रशासनाच्या माहितीनुसार, नागपूर-मडगाव विशेष ट्रेन आठवड्यातून दोन दिवस धावणार आहे. त्यामुळे नागपूरहून थेट गोव्याला जाणाऱ्या प्रवाशांसाठी आता अधिक सोयीस्कर आणि उत्तम पर्याय उपलब्ध झाला आहे.
