नागपूर – शहरात सुरू असलेल्या ‘ऑपरेशन थंडर’ मोहिमेअंतर्गत पोलिसांनी अंमली पदार्थांच्या विरोधात पुन्हा एक मोठी कारवाई केली आहे. जरिपटका पोलिसांनी चावला चौक परिसरातून (MD) ड्रग्ज विक्री करत असलेल्या दोघा तरुणांना रंगेहात पकडले आहे.
पोलिसांना गुप्त माहिती मिळाली होती की दोन तरुण चावला चौकात MD ड्रग्ज विक्रीसाठी थांबले आहेत. मिळालेल्या माहितीनुसार पोलिसांनी तत्काळ कारवाई करत त्या ठिकाणी छापा टाकला आणि नितेश विखानी व आकाश केवलरमानी या दोघांना अटक केली.
Gold Rate
06 June 2025
तपासादरम्यान त्यांच्या ताब्यातून ५ ग्रॅम MD ड्रग्ज आणि दोन मोबाईल फोन्स जप्त करण्यात आले. जरिपटका पोलिस ठाण्याचे पोलीस निरीक्षक अरुण क्षीरसागर यांनी दिलेल्या माहितीनुसार, हे दोघे तरुण गेल्या काही काळापासून स्थानिक ग्राहकांना MD ड्रग्ज पुरवत होते. पोलिसांनी त्यांच्या हालचालींवर लक्ष ठेवून अखेर कारवाई केली.
सध्या पोलिसांकडून या ड्रग्जचा स्त्रोत काय होता, याचा तपास सुरू असून या कारवाईमुळे शहरातील अंमली पदार्थांच्या अवैध व्यवहाराला मोठा धक्का बसला आहे.
