नागपूर : शहरातील गजबजलेल्या नागपूर-वार्धा मार्गावर बुधवारी दुपारी चिचभुवन परिसरात सुक्या मिरचींनी भरलेल्या ट्रकला अचानक आग लागल्याने मोठी खळबळ उडाली. या घटनेमुळे काही काळ वाहतूक पूर्णपणे विस्कळीत झाली.

प्राथमिक माहितीनुसार, ट्रकमध्ये झालेल्या शॉर्टसर्किटमुळे ही आग लागल्याचा संशय व्यक्त केला जात आहे. ट्रकमधील सुक्या मिरचींच्या पोत्यांमुळे आग वेगाने पसरली आणि धुराचे लोट मोठ्या प्रमाणात उसळले.

Gold Rate

July 10 ,2026 - Time 10.30Hrs

Gold 24 KT ₹ 1 44,400 /-

Gold 22 KT ₹ 1,34,000 /-

Silver/Kg ₹ 2,25,100/-

Platinum ₹ 88,000/-

Recommended rate for Nagpur sarafa Making charges minimum 13% and above

घटनेची माहिती मिळताच नागपूर अग्निशमन दलाच्या पथकांनी तातडीने घटनास्थळी धाव घेतली आणि आगीवर नियंत्रण मिळवले. सुदैवाने या घटनेत कोणतीही जीवितहानी झालेली नाही.

मात्र, आगीमुळे ट्रकमधील मिरचींची पोती रस्त्यावर सांडली. जळत्या मिरचीमुळे हवेत पसरलेल्या तीव्र झोंबणाऱ्या वासामुळे वाहनचालक आणि प्रवाशांना त्रास सहन करावा लागला. धूर आणि रस्त्यावर साचलेला माल यामुळे काही काळ वाहतूक मंदावली होती.

दरम्यान, प्रशासनाने तातडीने रस्ता मोकळा करण्याचे काम हाती घेतले असून वाहतूक पूर्ववत करण्याचे प्रयत्न सुरू आहेत. आगीचे नेमके कारण शोधण्यासाठी अधिक तपास सुरू आहे.