मालमत्ता व पाणी कर अभय योजनेला तीन दिवस मुदतवाढ
नागपूर : मालमत्ता कर आणि पाणी कर थकीत असलेल्या नागरिकांसाठी मनपाने जाहीर केलेल्या अभय योजनेला आता तीन दिवसांची मुदतवाढ देण्यात आली आहे. थकबाकीदारांना आता १० ऑग़स्टपर्यंत थकीत कर रकमेचा भरणा करता येईल. या तीन दिवसांत नागरिकांनी मोठ्या संख्येने या योजनेचा लाभ घेण्याचे आवाहन महापौर नंदा जिचकार आणि आयुक्त अश्विन मुदगल यांनी केले आहे.
मालमत्ता कर अभय योजनेअंतर्गत मालमत्ता धारकांना थकीत करातील दंडाची रक्कम ९०% माफ केली जात आहे. थकित पाणी बिलावरील विलंब शुल्क किंवा दंडाची रक्कम १००% माफ करण्यात येत आहे. नागरिकांनी भविष्यात आपल्या मालमत्तेवरील जप्ती टाळण्यासाठी व नळ जोडणी खंडीत करण्याची कारवाई टाळण्यासाठी पुढील तीन दिवसात आपले थकीत कर भरावे, असे आवाहन मनपातर्फे करण्यात आले आहे.
अशी जाणून घ्या आपली थकीत रक्कम
आपल्या पाणी कराची थकीत रक्कम जाणून घेण्यासाठी नागरिकांना www.ocwindia.com आणि मालमत्ता कर थकबाकी जाणून घेण्यासाठी www.nmcnagpur.gov.in या संकेतस्थळावर भेट देता येईल. तसेच SMS द्वारे जाणून घेण्यासाठी NMCWTR
७ ऑगस्टला आठ कोटींवर वसुली
७ ऑगस्टला सायंकाळी ६.१५ वाजेपर्यंत मालमत्ता कर थकबाकीदारांनी ५ कोटी ७३ लाख ८५ हजार ९४८ रुपये इतकी रक्कम जमा केली. पाणी करापोटी थकबाकीदारांनी २ कोटी ८० लाख १८ हजार ९२ रुपयांचा भरणा केला. नोकरदार वर्गाची समस्या लक्षात घेत त्यांच्या मागणीपोटी या योजनेला तीन दिवस मुदतवाढ देण्यात आली आहे. या तीन दिवसादरम्यान जप्ती व लिलावाची कारवाई सुरू राहणार असून थकबाकीदारांना थकीत रक्कम भरण्याची संधी देण्यात येत आहे.
TODAY TAX COLLECTION: 5,73,85,948.35 (UP-TO EVENING 6.15 PM)
TODAY WATER TAX COLLECTION: 2,80,18,092 (UP TO EVENING)
