नागपूर : सप्टेंबर महिन्यातील पूर आणि त्यामुळे झालेल्या नुकसानीबाबत नागपूर महापालिकेने पाठवलेल्या प्रस्तावाला राज्य सरकारने मंगळवारी मंजुरी दिली. यासोबतच 204 कोटी रुपयांचा निधीही जारी करण्यात आला आहे. गेल्या वर्षी २२ सप्टेंबरला नागपुरात आलेल्या पुरामुळे शहरात मोठे नुकसान झाले होते.
या नुकसानीत नागपूर महानगरपालिका आणि इतर यंत्रणांच्या मालमत्तेचेही नुकसान झाले आहे. हे नुकसान भरून काढण्यासाठी नागपूर महापालिकेने राज्य सरकारकडे प्रस्ताव पाठवला होता.शहरातील नाग, पिली आणि पोहरा नदीकाठच्या रस्त्यांच्या झालेल्या नुकसानीबाबत महापालिकेने पाठवलेल्या प्रस्तावाला राज्य सरकारने मान्यता दिली. यासाठी 204 कोटी रुपये खर्चाची प्रशासकीय मान्यता देण्यात आली आहे.
Gold Rate
26 dec 2025
मंजूर झालेल्या निधीपैकी नदी नाल्यांच्या खराब झालेल्या सुरक्षा भिंतींच्या पुनर्बांधणीसाठी आणि रस्त्यांच्या दुरुस्तीसाठी निधी मंजूर करण्यात आला आहे. 8.41 किलोमीटर सुरक्षा भिंत बांधण्यासाठी 162.31 कोटी आणि 61.38 किलोमीटर रस्त्याच्या कामासाठी 41.48 कोटी रुपयांच्या निधीला प्रशासकीय मान्यता देण्यात आली आहे.
नागपुरात झालेल्या नुकसानीची भरपाई मिळावी यासाठी महापालिका आयुक्त डॉ.अभिजीत चौधरी यांनी सविस्तर अहवाल तयार करण्याच्या सूचना त्यांच्या नेतृत्वाखालील अधिकाऱ्यांना दिल्या होत्या. त्यानंतर हा प्रस्ताव सार्वजनिक बांधकाम विभागाच्या विभागीय आयुक्तांमार्फत राज्य शासनाकडे पाठविण्यात आला.
