नागपूर : अयोध्येतील राम मंदिर ‘प्राण प्रतिष्ठा दीपोत्सव-२०२४’च्या पार्श्वभूमीवर दिवाळीच्या धर्तीवर 18 ते 23 जानेवारी दरम्यान फटाके विक्रीसाठी तात्पुरते परवाने देण्याचा निर्णय नागपूर पोलिसांनी घेतला आहे.
अयोध्येत होणाऱ्या उत्सवाच्या पार्श्वभूमीवर शहरातही फटाक्यांची मागणी वाढत असल्याने नागपूर जिल्हा फटाका संघाने शहर पोलिसांना तात्पुरते परवाने देण्याची विनंती केली होती. मात्र, सीताबर्डी मेन रोड, महाल गांधी गेट ते गांधी गेट चौक, महाल चौक ते भोसले वाडा, बडकस चौक ते महाल चौक, कल्याणेश्वर मंदिर परिसर, गोळीबार चौक यासह गर्दीच्या ठिकाणी फटाक्यांच्या स्टॉल्स/दुकानांना परवानगी न देण्याचा निर्णय पोलिसांनी घेतला.
Gold Rate
28 Jan 2026
इंदोरा चौक ते कमल टॉकीज चौक, तीन नळ चौक ते शहीद चौक, शाहीद चौक ते टांगा स्टँड, गांजापेठ , हंसापुरी, नाल साहब चौक, मेयो रुग्णालय व डागा रुग्णालय परिसर, मस्कासाथ, मारवाडी चौक, मेडिकल कॉलेज परिसर,गोकुळपेठ मार्केट या परिसरात फटाक्याची विक्री करण्यासाठी दुकानदारांना परवाने देण्यात आले आहे.
22 जानेवारी रोजी अयोध्येतील राम मंदिराच्या उद्घाटनाच्या सन्मानार्थ संपूर्ण देश दिवाळी पुन्हा एकदा आनंदाने साजरी करण्यासाठी सज्ज झाला आहे. यामुळे फटाक्यांच्या विक्रीत लक्षणीय वाढ दिसून येत आहे.
