नागपूर : स्वच्छ भारत अभियान अंतर्गत नागपूर महानगरपालिकेच्या उपद्रव शोध पथकाने बुधवारी (ता.14) 10 प्रतिष्ठानांवर कारवाई करून 55 हजार रुपयांचा दंड वसूल केला. मनपा आयुक्त तथा प्रशासक श्री. राधाकृष्णन बी. यांच्या मार्गदर्शनात धंतोली, गांधीबाग, सतरंजीपूरा ,लकडगंज आणि मंगळवारी झोनच्या उपद्रव शोध पथकाद्वारे प्रतिबंधित प्लास्टिक पिशवी संदर्भात 6 प्रतिष्ठानांवर कारवाई करून 30,000/- रुपयांचा दंड वसूल करण्यात आला तसेच 66 किलो प्लास्टिक जप्त करण्यात आले.
उपद्रव शोध पथकाने प्लास्टिक पिशवीच्या वापराबद्दल धंतोली झोन अंतर्गत कॉटन मार्केट येथील राजेश पत्राळी भंडार या दुकानाविरुध्द कारवाई करून 5 हजार रुपयांचा दंड वसूल करण्यात आला. गांधीबाग झोन अंतर्गत प्रभाग नं.22, आझमशाह चौक, सी.ए रोड येथील आशिष किराणा शॉप आणि रामटेके ट्रेडिंग या दोन्ही दुकानाविरुध्द कारवाई करून प्रत्येकी 5 हजार रुपयांचा दंड वसूल करण्यात आला. सतरंजीपूरा झोन अंतर्गत मारवाडी चौक, इतवारी येथील खान गुडस गॅरेज यांच्याविरुध्द कारवाई करून 5 हजार रुपयांचा दंड वसूल करण्यात आला. लकडगंज झोन अंतर्गत लकडगंज चौक येथील शाहरुख मलाधरी यांच्याविरुध्द कारवाई करून 5 हजार रुपयांचा दंड वसूल करण्यात आला. मंगळवारी झोन अंतर्गत फ्रुट मार्केट, मंगळवारी सदर येथील जय माँ शेरावाली फ्रुट शॉप यांच्याविरुध्द कारवाई करून 5 हजार रुपयांचा दंड वसूल करण्यात आला.
Gold Rate
25 July 2025
त्याचप्रमाणे धरमपेठ झोन अंतर्गत टेकडी रोड, सीताबर्डी येथील माहेश्वरी पंचायत भवन यांच्याविरुध्द जवळच्या मोकळया जागेत कचरा पसरविल्याबद्दल आणि कचरा शुल्क न भरल्याबद्दल कारवाई करून 5 हजार रुपयांचा दंड वसूल करण्यात आला. हनुमाननगर झोन अंतर्गत नरसाळा रोड, दिघोरी येथील श्रीमती कांचन शाहु यांच्याविरुध्द बांधकाम साहित्य रस्त्यालगत पसरविल्याबद्दल कारवाई करून 5 हजार रुपयांचा दंड वसूल करण्यात आला. धंतोली झोन अंतर्गत ए.के.गांधी शोरुम जवळ, उंटखाना रोड येथील कॉटन किंग यांच्याविरुध्द ब्लॅक स्पॉट परिसरात मोठया प्रमाणात कचरा पसरविल्याबद्दल कारवाई करून 5 हजार रुपयांचा दंड वसूल करण्यात आला. नेहरुनगर झोन अंतर्गत भांडे प्लॉट चौक येथील युनिक एकॅडमी यांच्याविरुध्द विना परवानगीने विद्युत खांबावर बॅनर/होर्डिंग्ज लावल्याबद्दल कारवाई करून 10 हजार रुपयांचा दंड वसूल करण्यात आला. ही कारवाई उपद्रव शोध पथक प्रमुख वीरसेन तांबे यांच्या नेतृत्वात करण्यात आली.
