बारामती : बारामती विधानसभा मतदारसंघाच्या पोटनिवडणुकीसंदर्भात महत्त्वाचा राजकीय निर्णय जाहीर झाला आहे. अजित पवार यांच्या निधनामुळे रिक्त झालेल्या जागेसाठी राष्ट्रवादी काँग्रेस पक्षाने सुनेत्रा पवार यांना अधिकृत उमेदवार म्हणून घोषित केले आहे. या निर्णयानंतर बारामतीतील राजकीय वातावरण पुन्हा तापू लागले आहे.
कोअर कमिटीची एकमताने मंजुरी-
उमेदवारीबाबत पक्षांतर्गत चर्चा काही दिवसांपासून सुरू होती. अखेर कोअर कमिटीच्या बैठकीत सविस्तर विचारविनिमय करून सुनेत्रा पवार यांच्या नावावर शिक्कामोर्तब करण्यात आले. वरिष्ठ नेत्यांनी त्यांच्या नावाला संमती दर्शवली असून, पक्ष संघटनेनेही प्रचारयंत्रणा सज्ज करण्यास सुरुवात केली आहे.
Gold Rate
Feb 25th, 2026 - Time 11.45Hrs
निवडणूक कार्यक्रमाची प्रतीक्षा-
१० मार्च रोजी प्रसिद्ध होणाऱ्या प्रारूप मतदार यादीनंतर Election Commission of India पोटनिवडणुकीच्या तारखा जाहीर करण्याची शक्यता आहे. त्यामुळे मार्चअखेर निवडणूक प्रक्रियेला अधिकृत प्रारंभ होईल, असा अंदाज वर्तवला जात आहे.
बिनविरोध निवडणुकीची चर्चा-
राज्यातील परंपरेनुसार ज्येष्ठ नेत्याच्या निधनानंतर होणाऱ्या पोटनिवडणुकीत अनेकदा सर्वपक्षीय सहमती दिसून येते. त्याच पार्श्वभूमीवर ही निवडणूक बिनविरोध व्हावी, यासाठी राष्ट्रवादीकडून प्रयत्न सुरू असल्याची चर्चा आहे. इतर पक्षांची भूमिका काय राहणार, याकडेही राजकीय वर्तुळाचे लक्ष लागले आहे.
वारसा आणि जबाबदारी-
बारामती हा अजित पवारांचा बालेकिल्ला मानला जातो. मतदारसंघातील विकासकामे, मजबूत संघटनात्मक जाळे आणि सहानुभूतीचा घटक या जोरावर सुनेत्रा पवार निवडणुकीला सामोरे जाणार आहेत. त्यांच्या उमेदवारीमुळे बारामतीतील राजकीय समीकरणांना नवे वळण मिळण्याची चिन्हे दिसत आहेत.
