मुंबई : अजित पवार यांच्या नेतृत्वाखालील राष्ट्रवादी काँग्रेस पक्षात अंतर्गत मतभेद उफाळून आल्याची चर्चा पुन्हा एकदा रंगली आहे. पक्षाच्या अध्यक्षपदावर सुनेत्रा पवार यांच्या निवडीवर आक्षेप घेतला जात असल्याच्या पार्श्वभूमीवर काँग्रेसचे प्रदेशाध्यक्ष हर्षवर्धन सपकाळ यांनी मोठा दावा केला आहे. “अजित पवारांची राष्ट्रवादी लवकरच फुटेल,” असे भाकीत करत त्यांनी राज्याच्या राजकारणात खळबळ उडवली.
सपकाळ म्हणाले की, राष्ट्रवादी काँग्रेसमध्ये सर्व काही सुरळीत नसून पक्षात गंभीर अंतर्गत संघर्ष सुरू आहे. याशिवाय, एकनाथ शिंदे यांच्या शिवसेनेतही नाराजीचे वातावरण असल्याचा दावा करत त्यांनी महायुतीतील घटक पक्षांमध्ये “टोळी युद्ध” सुरू असल्याची टीका केली.
Gold Rate
July 13 ,2026 - Time 10.30Hrs
शरद पवार यांच्या राष्ट्रवादी काँग्रेसबाबत एनडीएसोबत जाण्याच्या चर्चांवरही त्यांनी प्रतिक्रिया दिली. या चर्चांवर संबंधित पक्षानेच भूमिका स्पष्ट करायला हवी होती, असे सांगत सुप्रिया सुळे यांनी याबाबत आपले मत व्यक्त केल्याचे त्यांनी नमूद केले.
दरम्यान, राम मंदिरातील कथित दान चोरी प्रकरणावरही सपकाळ यांनी सरकार आणि विश्वस्त मंडळावर निशाणा साधला. हा प्रकार केवळ काही पदाधिकाऱ्यांपुरता मर्यादित नसून संपूर्ण प्रकरणाची निष्पक्ष चौकशी व्हावी, अशी मागणी त्यांनी केली. तसेच, संघाने संबंधित विश्वस्तांवर कठोर कारवाई करावी, असेही ते म्हणाले.
केंद्रीय मंत्रिमंडळ विस्तारात खासदार डॉ. श्रीकांत शिंदे यांना संधी मिळण्याच्या चर्चांवर भाष्य करताना सपकाळ यांनी मुख्यमंत्री एकनाथ शिंदे यांच्यावरही टीका केली. “स्वतः मुख्यमंत्री आणि मुलाला केंद्रीय मंत्री करण्याची महत्त्वाकांक्षा दिसून येते,” असा आरोप त्यांनी केला.
याशिवाय, शिवस्मारक आणि इंदूमिल येथील डॉ. बाबासाहेब आंबेडकर स्मारकाच्या रखडलेल्या कामांवरूनही त्यांनी सरकारवर टीका केली. आगामी २०२९ च्या लोकसभा निवडणुकीत राहुल गांधी हे भाजपसमोर मोठे आव्हान ठरतील, असा दावाही हर्षवर्धन सपकाळ यांनी केला.
LIVE | NEWS BULLETIN NAGPUR TODAY
सेवानिवृत्त उप जिलाधिकारी के घर में हुई चोरी का खुलासा #NagpurNews #CrimeNews...
गौरक्षण आश्रम के बाहर खड़ी कार का कांच तोड़कर चोरी ...#maharashtranews #vidarbhanews...
इथेनॉल विवाद पर बढ़ा सियासी संग्राम #nagpurnews #ethenol #nitingadkari #bjp #cybercrime #latestnews
स्मार्ट मीटर मुद्दे पर शिवसेना का ज्ञापन ... #maharashtranews #vidarbhanews #nagpurnews #newsupdate
नागपुर स्टेशन पर दर्दनाक हादसा! #NagpurNews #RailwayNews #NagpurRailwayStation #TrainAccident #news
