नागपूर : जिल्ह्यात एमआयडीसी बस स्टँडजवळ 26 वर्षीय महाविद्यालयीन विद्यार्थ्यांनीवर बलात्कार करून तिची हत्या करण्यात आल्याची खळबळजनक घटना उघडकीस आली आहे. या प्रकरणी पीडितेच्या आईच्या तक्रारीवरून पोलिसांनी अज्ञात आरोपीविरुद्ध गुन्हा दाखल केला असून त्याचा शोध सुरू केला आहे.
माहितीनुसार ,सोमवारी सकाळी उमरेड येथील एमआयडीसी बसस्टँडजवळ महिलेचा मृतदेह आढळल्यानंतर स्थानिक नागरिकांनी पोलिसांना माहिती दिली. पोलिसांनी मृतदेहाची ओळख पटवून पीडितेच्या कुटुंबाशी संपर्क साधला.
Gold Rate
15 May 2025
पीडितेच्या आईने दिलेल्या माहितीनुसार, पीडित मुलगी कॉलेजमध्ये शिकत होती. रविवारी सकाळी कॅम्पसाठी जात असल्याचे सांगून ती घरातून निघाली होती. ती संध्याकाळी घरी परतण्याचे सांगून गेली होती.
पोलिसांच्या माहितीनुसार, रविवारी संध्याकाळी पीडितेच्या आईने तिच्या ठिकाणाबाबत विचारणा करण्यासाठी फोन केला असता, तिने सांगितले की ती ब्रह्मपुरी येथे आहे.जे उमरेडपासून सुमारे 50 किलोमीटर अंतरावर आहे. ती त्या रात्री घरी परतणार नसल्याचे तिने आपल्या आईला सांगितले. त्यानंतर दुसऱ्या दिवशी सकाळी पीडित महिलेचा मृतदेह आढळल्याने खळबळ उडाली.
पोस्टमार्टम अहवालानुसार, पीडितेवर बलात्कार करून गळा दाबून तिची हत्या करण्यात आली आहे. पोलिसांनी संबंधित कलमांखाली गुन्हा दाखल केला असून आरोपींचा तपास सुरू आहे. या घटनेने जिल्ह्यात खळबळ उडाली असून, पोलिसांनी घटनेचा त्वरित तपास सुरू केला. अद्याप आरोपींबाबत कोणतीही ठोस माहिती मिळालेली नाही.
