नागपूर – गेल्या दोन–तीन दिवसांच्या मोठ्या घसरणीनंतर आज सराफा बाजारात सोन्याच्या किमतींनी पुन्हा जोरदार उसळी घेतली आहे. देशांतर्गत आणि आंतरराष्ट्रीय पातळीवरील घडामोडींचा थेट परिणाम सोन्याच्या दरांवर दिसून येत असून गुंतवणूकदारांसह दागिने खरेदी करणाऱ्या ग्राहकांसाठीही आजचे दर महत्त्वाचे ठरत आहेत. अचानक झालेल्या या वाढीमुळे सोने खरेदीचा विचार करणाऱ्यांना किंचित धक्का बसल्याचं चित्र आहे.

ऑल इंडिया सर्राफा असोसिएशनच्या माहितीनुसार, ९९.९ टक्के शुद्धतेच्या म्हणजेच २४ कॅरेट सोन्याचा दर आज तब्बल ५,००० रुपयांनी वाढून १० ग्रॅममागे ₹१,५७,७०० वर पोहोचला आहे. ही वाढ सुमारे ३.३ टक्क्यांची आहे. विशेष म्हणजे २९ जानेवारी रोजी सोने ₹१,८३,००० या उच्चांकावर गेल्यानंतर मोठ्या प्रमाणावर नफा वसुली झाली होती. त्यामुळे सोन्याच्या दरात सुमारे १७ टक्क्यांची घसरण नोंदवण्यात आली होती.

Gold Rate

July 23 ,2026 - Time 10.30Hrs

Gold 24 KT ₹ 1 45,900 /-

Gold 22 KT ₹ 1,35,400 /-

Silver/Kg ₹ 2,27,000/-

Platinum ₹ 88,000/-

Recommended rate for Nagpur sarafa Making charges minimum 13% and above

दरम्यान, मल्टी कमोडिटी एक्सचेंज (MCX) वर २४ कॅरेट सोन्याचा दर किंचित घसरून १० ग्रॅममागे ₹१,४९,००० इतका नोंदवण्यात आला आहे. सोमवारी MCX वर सोने ₹१,४१,९०० वर बंद झाले होते. आंतरराष्ट्रीय बाजारातही स्पॉट गोल्डमध्ये जवळपास २ टक्क्यांची वाढ झाली असून सोने प्रति औंस ५,००० डॉलर्सच्या पुढे गेलं आहे. जागतिक आर्थिक अनिश्चितता आणि सुरक्षित गुंतवणुकीकडे वाढलेला कल यामुळे सोन्याच्या दरांना आधार मिळत असल्याचं तज्ज्ञांचं मत आहे.

गुडरिटर्न्सनुसार आज १० ग्रॅम सोन्याचा दर ₹१,५४,०९० इतका आहे. तर इंडियन बुलियन अँड ज्वेलर्स असोसिएशन (IBJA) च्या आकडेवारीनुसार बुधवारी सकाळपर्यंत २४ कॅरेट सोन्याचा दर ₹१,५१,५२९ प्रति १० ग्रॅम इतका नोंदवण्यात आला आहे. IBJA नुसार आजचे दर पुढीलप्रमाणे आहेत — २४ कॅरेट ₹१,५१,५२९, २३ कॅरेट ₹१,५०,९२२, २२ कॅरेट ₹१,३८,८०१, १८ कॅरेट ₹१,१३,६४७ आणि १४ कॅरेट ₹८८,६४५ प्रति १० ग्रॅम.

प्रमुख शहरांतील दर पाहता, दिल्ली, लखनऊ, नोएडा, गुरुग्राम, जयपूर आणि चंदीगडमध्ये २४ कॅरेट सोन्याचा दर सुमारे ₹१,५४,०९० प्रति १० ग्रॅम असून २२ कॅरेटचा दर ₹१,४१,२६० च्या आसपास आहे. मुंबई, पुणे, कोलकाता, बेंगळुरू, हैदराबाद आणि केरळमध्ये २४ कॅरेट सोने सुमारे ₹१,५३,९४० दराने व्यवहारात आहे. तर चेन्नईमध्ये सोन्याचा भाव तुलनेने जास्त असून येथे २४ कॅरेट सोनं ₹१,५५,६८० प्रति १० ग्रॅमवर पोहोचलं आहे.

दिल्ली सराफा बाजारात मंगळवारी सलग तीन दिवसांची घसरण थांबवत सोन्याच्या दरांनी जोरदार उसळी घेतली होती. वाढलेली गुंतवणूक आणि आंतरराष्ट्रीय बाजारातील मजबुती यामुळे दरांमध्ये वाढ झाल्याचं सांगितलं जात आहे. या पार्श्वभूमीवर येत्या काळातही सोन्याच्या दरांमध्ये चढ-उतार कायम राहण्याची शक्यता तज्ज्ञांनी व्यक्त केली आहे.