Published On : Thu, Nov 11th, 2021

शाळा, कॉलेज, धार्मिक स्थळांची उपद्रव शोध पथकाव्दारे तपासणी

नागपूर, : नागपूर महानगरपालिकेच्या उपद्रव शोध पथकाने बुधवारी (ता. १० नोव्हेंबर) रोजी पथकाने ३८ मंगल कार्यालय, २७ मंदीरे, ८ मस्जिद, ५५ शाळा व कॉलेज आणि अन्य ९ धार्मिक स्थळांची पाहणी करुन एकूण १३७ स्थळांची तपासणी केली.

त्यांनी मनपाच्या लसीकरणाबद्दल नियमांची माहिती दिली आणि सांगितले की लसीचे डोज घेणा-यांनाच प्रवेश दयावा अन्यथा कारवाईस पात्र राहतील.

मनपा आयुक्त राधाकृष्णन बी. यांच्या निर्देशानुसार उपद्रव शोध पथक प्रमुख वीरसेन तांबे यांच्या मार्गदर्शनाखाली झोन शोध पथकांद्वारे ही कामगिरी पार पाडण्यात आली.