नागपूर : विदर्भातील पहिल्या आणि भारतातील तिसऱ्या ट्रान्सजेंडर अॅड. शिवानी यांनी नागपूर टुडेला दिलेल्या विशेष मुलाखतीत भारतातील समलिंगी विवाहाच्या विविध पैलूंवर चर्चा केली. LGBTQ समुदायाला त्यातून मिळणारे फायदे, तसेच समुदायाच्या सदस्यांना व्यावसायिक कामात भेडसावणाऱ्या भेदभावाबद्दल त्यांनी आपले मत व्यक्त केले.
नागपूर टुडेशी बोलताना अॅड.शिवानी यांनी प्राईड मंथमध्ये भारतात समलिंगी विवाह कायदेशीर करण्याच्या तातडीच्या गरजेवर प्रकाश टाकला. समलिंगी विवाहाला कायदेशीर मान्यता मिळणे हे केवळ समानता आणि मानवी हक्कांसाठीच गरजेचे नाही तर समावेशक समाज निर्माण करण्याच्या दिशेने टाकलेले पाऊल आहे, असे शिवानी म्हणाल्या. LGBTQ समुदायाला विवाह करण्याचा अधिकार देऊन जोडप्यांना कायदेशीर मान्यतेसोबतच विविध फायदे आणि विशेषाधिकारांमध्ये प्रवेश प्रदान करेल.
Gold Rate
Sept 16,2026 - Time 10.30Hrs
समलैंगिक विवाहाला कायदेशीर मान्यता देऊन, भारत विविधतेचा स्वीकार करण्यात आणि आपल्या सर्व नागरिकांसाठी अधिक समावेशक समाज निर्माण करण्यात महत्त्वपूर्ण प्रगती करू शकतो. जर समलिंगी जोडप्यांना विवाह करण्याचा अधिकार नाकारल्यास हा त्यांच्यासोबत होणार भेदभाव ठरू शकतो. त्यांच्या मनात उपेक्षितपणा कायम राहील. त्यांच्या स्थिर आणि प्रेमळ नातेसंबंध निर्माण करण्याच्या क्षमतेत अडथळा निर्माण होईल, असे अॅड. शिवानी म्हणाल्या.
