Published On : Fri, Jan 17th, 2020

काजू उद्योगाला व्हॅट परतावा देण्याबाबत सकारात्मक – पवार

Advertisement

मुंबई: काजू उद्योगाला व्हॅटचा परतावा देण्याबाबत तसेच काजूपासून तयार होणाऱ्या फेणीला करसवलत देण्याबाबत राज्यशासन सकारात्मक निर्णय घेईल, असा विश्वास उपमुख्यमंत्री अजित पवार यांनी आज महाराष्ट्र काजू उत्पादनक संघटनेच्या प्रतिनिधींना दिला.

संघटनेचे अध्यक्ष सुरेश बोवलेकर यांच्या नेतृत्वाखालील प्रतिनिधींनी आज उपमुख्यमंत्र्यांची भेट घेतली.

त्यावेळी कोकणातील शेतकऱ्यांना मदत करण्यासाठी आपण नेहमीच सकारात्मक राहिलो असून काजू उत्पादक शेतकरी हे कोकणच्या विकासात महत्वाची भूमिका बजावत आहेत. त्यांना आपले नेहमीच सहकार्य राहिल, असे अजित पवार यांनी स्पष्ट केले.