जैविक कचरा अनधिकृत ठिकाणी टाकल्याबददल १ लाख रुपये दंड
नागपूर : नागपूर महानगरपालिकेच्या उपद्रव शोध पथकाने गुरुवारी (ता. ४ मार्च) रोजी ७ दूकाने प्रतिष्ठानांवर सामाजिक अंतरचा पालन न करण्यासाठी व जैविक कचरा अनधिकृत ठिकाणी फेकण्यासाठी कारवाई करुन रु. १,४५,००० चा दंड वसूल केला.
पथकानी एस.आर.लिमिटेड लॅब चे डॉ. निरंजन नायक, टेम्पल बाजार रोड यांना बायो-मेडिकल कचरा सामान्य कच-यासोबत अनधिकृत ठिकाणी टाकल्याबददल रु. १ लाख दंड केला आहे.
गुरुवारी पथकानी ११२ प्रतिष्ठाने व मंगल कार्यालयांची तपासणी केली. मनपा आयुक्त राधाकृष्णन बी. यांच्या निर्देशानुसार उपद्रव शोध पथक प्रमुख वीरसेन तांबे यांच्या मार्गदर्शनाखाली झोन शोध पथकांद्वारे ही कामगिरी पार पाडण्यात आली.
