नागपूर : शहरातील वाढत्या गुन्हेगारीच्या घटनांमध्ये आणखी एका धक्कादायक घटनेची भर पडली आहे. एमआयडीसी पोलिस ठाण्याच्या हद्दीतील आधार नगरी, इसासनी परिसरात एका अज्ञात युवकाची दगडाने ठेचून निर्घृण हत्या करण्यात आल्याची घटना उघडकीस आली. रक्ताच्या थारोळ्यात पडलेला मृतदेह आढळून आल्याने परिसरात भीती आणि खळबळ पसरली आहे.

मिळालेल्या माहितीनुसार, आज सकाळच्या सुमारास पोलिस नियंत्रण कक्षाच्या 112 हेल्पलाईनवरून एमआयडीसी पोलिसांना घटनेची माहिती मिळाली. माहिती मिळताच बीट मार्शल आणि पोलिस अधिकारी तात्काळ घटनास्थळी दाखल झाले. पोलिसांनी परिसराची पाहणी करून पंचनामा केला तसेच मृतदेह शवविच्छेदनासाठी मेडिकल रुग्णालयात पाठवला.

Gold Rate

Aug 14 ,2026 - Time 10.30Hrs

Gold 24 KT ₹ 1 51,900 /-

Gold 22 KT ₹ 1,40,900 /-

Silver/Kg ₹ 2,32,900/-

Platinum ₹ 88,000/-

Recommended rate for Nagpur sarafa Making charges minimum 13% and above

प्राथमिक तपासात अज्ञात आरोपींनी युवकाच्या डोक्यावर दगडाने वार करून हत्या केल्याचा अंदाज व्यक्त करण्यात येत आहे. हत्येनंतर आरोपी घटनास्थळावरून फरार झाले असून, त्यांचा शोध घेण्यासाठी पोलिसांनी विविध पथके रवाना केली आहेत.

दरम्यान, मृत युवकाची ओळख अद्याप पटलेली नसून पोलिसांकडून त्याची माहिती मिळविण्याचे प्रयत्न सुरू आहेत. परिसरातील सीसीटीव्ही फुटेज तपासले जात असून संशयित हालचालींचा मागोवा घेतला जात आहे. स्थानिक नागरिकांकडूनही माहिती संकलित केली जात आहे.
या प्रकरणाचा तपास एमआयडीसी पोलिसांसह क्राईम ब्रँचची टीम करत असून, अज्ञात आरोपींविरोधात गुन्हा दाखल करण्यात आला आहे.

वरिष्ठ पोलीस निरीक्षक गोकुळ महाजन यांनी घटनेला दुजोरा देत आरोपींना लवकरच अटक करण्यात येईल, असा विश्वास व्यक्त केला.
या घटनेमुळे आधार नगरी आणि इसासनी परिसरातील नागरिकांमध्ये भीतीचे वातावरण निर्माण झाले असून, शहरातील वाढत्या गुन्हेगारीवर पुन्हा एकदा प्रश्नचिन्ह उपस्थित झाले आहे.