नागपूर : नागपूर महानगरपालिकेच्या ठोस कचरा व्यवस्थापन विभागातील २९ सफाई कर्मचारी सतत विनाअनुमती गैरहजर राहिल्याने त्यांच्यावर निलंबनाची कारवाई करण्यात आली आहे. ही कारवाई मनपा आयुक्त आणि प्रशासक डॉ. अभिजीत चौधरी यांच्या आदेशानुसार करण्यात आली.
अलीकडच्या काळात सफाई कर्मचाऱ्यांच्या अनियमित उपस्थितीबाबत अनेक तक्रारी आयुक्तांकडे पोहोचल्या होत्या. त्यानंतर डॉ. चौधरी यांनी सर्व झोनमधील कर्मचाऱ्यांच्या उपस्थितीची तपासणी करण्याचे आदेश दिले. त्यानुसार २० ऑक्टोबर रोजी दहा झोनमधील वार्डनिहाय उपस्थिती नोंदवही तपासण्यात आली.
Gold Rate
28 Oct 2025
या तपासणीत अनेक कर्मचारी सलग गैरहजर असल्याचे समोर आले. त्यावर अपर आयुक्त वसुमना पंत यांनी वारंवार केंद्रांना भेट देऊन प्रत्यक्ष पडताळणी केली. शेवटी, २० दिवसांपेक्षा अधिक काळ अनुपस्थित असलेल्या कर्मचाऱ्यांविरुद्ध निलंबनाची कारवाई करण्यात आली आहे.
मनपा प्रशासनाकडून स्पष्ट करण्यात आले की, नियमित उपस्थिती राखणे ही प्रत्येक कर्मचाऱ्याची जबाबदारी आहे आणि पुढील काळात अशा प्रकारच्या शिस्तभंगाला माफी मिळणार नाही.
