नागपूर : शहरात सडलेल्या सुपारीपासून आरोग्यास घातक ‘खर्रा’ तयार करून विक्री करणाऱ्या अवैध व्यवसायावर पोलिसांनी मोठी कारवाई केली आहे. गुन्हे शाखेने विविध ठिकाणी छापे टाकून चार आरोपींना अटक केली असून मोठ्या प्रमाणात साहित्य जप्त केले आहे.
कामठी पोलीस ठाण्याच्या हद्दीतील जय भीम चौक, कलमना रोड परिसरात पहिली कारवाई करण्यात आली. येथे प्रवेश फकीरडे याला खर्रा तयार करण्याच्या मशीनसह पकडण्यात आले.
Gold Rate
May 05- 2026 - Time 10.30Hrs
एरखेडा परिसरात दुसऱ्या कारवाईत अमित नावाच्या आरोपीला सडलेली सुपारी आणि मशीनसह खर्रा तयार करताना अटक करण्यात आली.
इस्माईलपुरा परिसरात तिसऱ्या कारवाईत नियाज अहमद याला मोठ्या प्रमाणात सडलेली सुपारी आणि मशीनसह ताब्यात घेण्यात आले.
या कारवाया गुन्हे शाखेने अन्न व औषध प्रशासन विभागाच्या सहकार्याने केल्या. एकूण पाच मशीन आणि मोठ्या प्रमाणात सडलेली सुपारी जप्त करण्यात आली आहे.
पारडी पोलीस ठाण्याच्या हद्दीत आणखी एका कारवाईत मधुकर मानकर याला सुगंधित तंबाखूसह अटक करण्यात आली.
पोलिसांनी स्पष्ट केले आहे की, नागरिकांच्या आरोग्यास धोका निर्माण करणाऱ्या अशा अवैध धंद्यांवर पुढेही कठोर कारवाई सुरू राहणार आहे.
