नागपूर : राज्याची उपराजधानी असलेल्या नागपूर शहरात १५०० क्रिकेट बुकी कार्यरत असल्याची धक्कादायक माहिती समोर आली आहे. मात्र शहर पोलिसांना याबाबत काहीच माहिती नसल्याचे समोर आले आहे. यातील १५ बुकी कोट्याधीश असल्याची माहिती समोर आली आहे. तर एकामागून एक बुकी गल्ली गल्लीत सक्रिय आहेत. जे लोक पंटर म्हणून काम करायचे ते आज क्रिकेट बुकी बनून लोकांची फसवणूक करत असल्याचे चित्र आहे.
बहुतेक क्रिकेट बुकी लकडगंज आणि जरीपटका, खामला, वर्धमान नगर इतवारी, दक्षिण नागपूर भागात सक्रिय असल्याची माहिती आहे.
या बुकींमध्ये गुल जरीपटका, पंकज कडी, सतीश, आकाश बॅटरी, बंटी ज्यूस, सोनू कामठी, फिरोज हड्डी, सिरोज महल, काके पाचपावली, खामला कँडी, सतीश, गोलू खामला, मयूर छापरु , गुड्डू, राजू चुवा छापरुनगर , सिराज लॉटरी , मुन्ना तिवारी, शैलेश, स्वप्नील, विलास पाटील , रिंकू, छोटू, अग्रवाल कंपनी, मुरारी, असलम, पप्पू पानसे, झाडे, नितेश वाघमारे किराणा, परेश सदरानी, जग्गु सेवानी, सुमित मोर्यानी , विशाल तन्ना, भावेश श्रीमानकर, बाळू खन्ना, बबलू जैन, राजू जैन इतवारी, गोमा इतवारी, नीलेश तपासे अशा अनेक बुकींची नावे समोर आली आहेत.
लकडगंज पोलीस ठाण्याच्या हद्दीतील वर्धमान नगर, छापरू चौक, आंबेडकर चौक या परिसराव्यतिरिक्त जरीपटका पोलीस ठाण्याच्या हद्दीतील अनेक भागात क्रिकेट बुकी सक्रिय आहेत. जरीपटका येथील पंकज कडी व इतर अल्पावधीतच श्रीमंत होत असल्याचे पाहून इतरही अनेक तरुण या व्यवसायात सक्रिय झाले आहेत. जरीपटका येथील अनेक उच्चभ्रू लोक या व्यवसायावर नाराज आहेत. त्यामुळे शहरातील वातावरण खराब होत चालले आहे. आयपीएलच्या काळात सर्वत्र तरुणांची गर्दी पाहायला मिळते. बिअर बारमध्ये सरेआम हे लोक सट्टा लावत असतात. अशा परिस्थितीत या क्रिकेट बुकींवर सर्जिकल स्ट्राईक करणे पोलिसांसाठी अत्यंत गरजेचे झाले आहे. या आयपीएलमधील अनेक सामन्यांमध्ये कमालीचे चढ-उतार झाले आहेत. अनेक सामन्यांचे निकाल पाहिल्यानंतर हेच दिसते. या सामन्यांमागे फिक्सिंग टोळीचा हात तर नाही ना? क्रिकेट सट्टेबाजीत सर्वस्व गमावून आत्महत्या करणाऱ्यांचे प्रमाण शहरात कमी नाही. असे प्रकार गेल्या अनेक वर्षांपासून सातत्याने घडत आहेत.
आत्महत्येच्या घटनांशिवाय क्रिकेट बेटिंगमध्ये गमावलेली रक्कम परत मिळवण्यासाठी अनेक वेळा खुनी हल्ले, अपहरणाच्या घटनाही घडल्या आहेत. या क्रिकेट बेटिंगमध्ये 40 लाखांहून अधिकचा जुगार खेळून हंसापुरीतील एक तरुण नागपुरातून गायब झाला आहे.
छापरू लोक पानठेला प्रसिद्ध-
छापरू लोक परिसरातील लोकांचे म्हणणे आहे की, आयपीएलच्या सुरुवातीपासूनच या भागातील एक पानठेला क्रिकेट बुकी आणि पंटर्ससाठी खूप प्रसिद्ध होत आहे. खीमेन वाघवानी यांनी आत्महत्या केलेल्या ठिकाणाजवळ पान टपरी असून तेथे क्रिकेट बुकींचा जमाव जमल्याचे वृत्त आहे. गर्दीतील अनेक समाजकंटक पंटरांकडून वसुलीसाठी दबाव निर्माण करताना दिसतात. त्यांच्या भीतीमुळे तरुणांना आत्महत्येसारखे कटू पाऊल उचलावे लागत आहे. या ठिकाणी काही लोक खुलेआम चरस गांजा ओढताना दिसत आहेत, त्यामुळे याठिकाणाहून येणारे -जाणारे नागरिक या कृत्यांमुळे त्रस्त झाले आहे.
मात्र पोलिसांना सर्व माहिती असूनही समाजकंटकांवर अंकुश ठेवला जात नाही. इथूनही पोलिसांना काही दान मिळते का? असा प्रश्न उपस्थित करण्यात येत आहे. इमारतीच्या मागे एका घराबाहेर पान टपरी आहे, त्याच घरात रात्री उशिरापर्यंत असामाजिक तत्वांची ये-जा सुरू असते आणि तेथेही ग्राहकांना पाहून गांजा- अफूची खुलेआम विक्री होत असल्याची माहिती समोर येत आहे.
