नागपूर: अनुसूचित जाती व जमाती घटकातील बारावी उत्तीर्ण झालेल्या युवकांसाठी संगणक सॉफ्टवेअर हा एक वर्ष कालावधीचा प्रशिक्षण नि:शुल्क असून दरमहा एक हजार रुपये विद्यावेतन देण्यात येणार आहे. केंद्र शासनाच्या श्रम व रोजगार मंत्रालयातर्फे नि:शुल्क प्रशिक्षण आयोजित करण्यात आले आहे.
नविन प्रशासकीय इमारत क्रमांक 1, पाचवा माळा येथील अनुसूचित जाती-जनजाती, राष्ट्रीय उपजिविका सेवाकेंद्रामार्फत विविध प्रशिक्षण आयोजित करण्यात येते. स्पेशल कोचिंग स्किम अंतर्गत 11 महिने कालावधिचे प्रशिक्षण येत्या जुलैपासून सुरु होणार आहे. या प्रशिक्षणामध्ये इंग्रजी टाईपिंग, इंग्रजी स्टेनोग्राफी, जनरल नॉलेज व बेसिक कॅम्प्यूटरचे प्रशिक्षण देण्यात येईल. यासाठी उमेदवार बारावी पास आवश्यक असून 18 ते 27 वयोगटातील उमेदवार पात्र राहतील.
Gold Rate
23 Jan 2026
कॅम्प्यूटर सॉफ्टवेअर हा एक वर्ष कालावधीचा प्रशिक्षण कार्यक्रमाचे 1 जुलैपासून सुरु होणार आहे. यासाठी उमेदवार बारावी पास आवश्यक आहे. कॅम्प्यूटर हार्डवेअर हा सुध्दा एक वर्ष कालावधीचा प्रशिक्षण कार्यक्रम 1 ऑगस्टपासून सुरु होत आहे. यासाठी उमेदवार बारावी पास व 18 ते 30 वयोगटातील असणे आवश्यक आहे. इच्छिूक अनुसूचित जाती तसेच अनुसूचित जमातीच्या पात्र उमेदवारांनी उपक्षेत्रिय रोजगार अधिकारी, राष्ट्रीय उपजिवीका सेवाकेंद्र, नवीन प्रशासकीय भवन इमारत क्रमांक 1, पाचवा माळा येथे संपर्क साधवा.
