मुंबई – नगर परिषदा आणि पंचायत निवडणुकीचे निकाल जाहीर होण्यास उशीर होणार आहे, असा आरोप महसूल मंत्री चंद्रशेखर बावनकुळे यांनी केला आहे. निवडणूक आयोगाच्या चुकांमुळे निकाल आता २१ डिसेंबर रोजी जाहीर होतील, असे त्यांनी स्पष्ट केले.

मिळालेल्या माहितीनुसार, निवडणुका ३ डिसेंबर रोजी निकाल जाहीर करण्याची योजना होती, परंतु न्यायालयाच्या आदेशानुसार इतर काही जागांसाठी निवडणुका पूर्ण होईपर्यंत निकाल जाहीर करू नयेत, असा निर्णय घेण्यात आला आहे. बावनकुळे यांनी सांगितले की, न्यायालयीन प्रकरणांमुळे फक्त संबंधित भागांच्या निवडणुका पुढे ढकलल्या पाहिजेत होत्या, मात्र संपूर्ण क्षेत्रात निवडणुका पुढे ढकलल्यामुळे निकाल जाहीर करण्यास विलंब झाला आहे.

Gold Rate

July 10 ,2026 - Time 10.30Hrs

Gold 24 KT ₹ 1 44,400 /-

Gold 22 KT ₹ 1,34,000 /-

Silver/Kg ₹ 2,25,100/-

Platinum ₹ 88,000/-

Recommended rate for Nagpur sarafa Making charges minimum 13% and above

या परिस्थितीमुळे उमेदवारांमध्ये नाराजी पसरली असून, विविध राजकीय पक्षांनी यावर टीका केली आहे. राज्य सरकारने निवडणूक आयोगाशी अनेकदा संवाद साधला, तरीही आयोगाकडून अपेक्षित प्रतिसाद मिळाला नाही, असे बावनकुळे यांनी नमूद केले.

ते म्हणाले की, भविष्यात मोठ्या प्रमाणावर होणाऱ्या निवडणुकांमध्ये अशा चुका होऊ नयेत म्हणून आयोगाने योग्य ती सुधारणा करणे आवश्यक आहे. केंद्रीय निवडणूक आयोगानेही या संदर्भात राज्य निवडणूक आयोगाकडून अहवाल मागविला आहे.

बावनकुळे यांनी विरोधकांच्या आरोपांना खोडसाळ उत्तर देत म्हटले, “निवडणूक आयोग ही स्वतंत्र संस्था असून त्यावर कोणताही बाह्य हस्तक्षेप नाही.” त्यांनी मतदारांनी उत्साहाने मतदान केले असून महायुती आणि भाजपच्या बाजूने जनतेने मोठ्या प्रमाणात समर्थन दर्शवले असल्याचेही नमूद केले.