नागपूर : इंग्लंडमधील वेल्स विद्यापीठाने १६ फेब्रुवारी ते २० फेब्रुवारी या कालावधीत आयोजित चर्चासत्रासाठी आमदार डॉ. परिणय फुके यांना आमंत्रित केले आहे. वेल्स विद्यापीठाच्या लॅम्पिटर कॅम्पसमध्ये हा कार्यक्रम पार पडणार आहे.
इंग्लंडमधील वेल्स विद्यापीठातर्फे महाराष्ट्र विधीमंडळाच्या निवडक सदस्यांकरिता “सुशासन व सार्वजनिक धोरण” या विषयावर १६ फेब्रुवारी ते शुक्रवार २० फेब्रुवारी कालावधीत चर्चासत्र आयोजित करण्यात आले आहे. यासाठी आमदार डॉ. परिणय फुके यांची निवड करण्यात आली आहे. वेल्स विद्यापीठाच्या लॅम्पिटर कॅम्पसमध्ये आयोजित या चर्चासत्रासाठी आमदार डॉ. फुके हे १५ फेब्रुवारीपर्यंत लंडन येथे उपस्थित राहणार आहेत.
डॉ. परिणय फुके वरिष्ठ सभागृह असलेल्या विधानपरिषदेत निवडून आले आहेत. राज्यमंत्री म्हणून सार्वजनिक बांधकाम, आदिवासी विकास आणि वने या विभागांची जबाबदारी सांभाळली आहे.
एमबीए आणि पीएचडी असलेल्या आमदार डॉ. फुके यांनी महापालिकेतून नगरसेवक म्हणून कारकीर्द सुरु केली होती. त्यानंतर विधानपरिषद सदस्य, राज्यमंत्रीपदाची जबाबदारी त्यांनी सांभाळली. त्यामुळे “सुशासन व सार्वजनिक धोरण” यावर त्यांचे भाषण इंग्लंडच्या वेल्स विद्यापीठासाठी एक महत्वाचा दस्तऐवज ठरणार आहे.
